د. داهات حەوێزی، پزیشکی پسپۆری هەناوی و شەکرە، سەبارەت بە جۆرێکی نوێی چارەسەری شەکرەی جۆری دوو، دەڵێت:

• چارەسەرە نوێیەکە بریتیە لە ئینسۆلینی درێژخایەن کە تەنیا هەفتەی یەک جار بەکاردەهێنرێت
• دەزگای خۆراک و دەرمانی ئەمریکا  دەرزییەکی نوێی ئینسۆلینی پەسەند کرد
• دەرزییەکە جۆرێکی نوێی ئینسۆلینی درێژخایەنە
• دەرزییە نوێیەکە بە هاوبەشی لەگەڵ وەرزشکردن و ڕێجیمێکی تەندروست یارمەتیی باشترکردنی کۆنتڕۆڵی ئاستی شەکری خوێن لە تووشبووانی شەکرەی جۆری دوو دەدات

گرنگیی چارەسەرە نوێیەکەی شەکرەی جۆری دوو

• تەنیا هەفتەیەک جار بە شێوەی دەرزی ژێرپێست بەکاردەهێنرێت، لە جیاتی بەکارهێنانی ڕۆژانەی دەرزی ئینسۆلین
• لە توێژینەوەکاندا دەرکەوتووە کە دەرزییە نوێیەکە توانای کەمکردنەوەی ئاستی شەکرەی سێ مانگی هەیە

ڕێنوێنیی بۆ چارەخوازان

• ئەم دەرزییە نوێیەی ئینسۆلین بۆ چارەخوازانی شەکرەی جۆری یەک پێشنیاز ناکرێت، چونکە مەترسیی دابەزینی ئاستی شەکری خوێن زیاد دەکات و پێویستی بە چاودێریی پزیشکی پسپۆڕ هەیە
• ئەم جۆرە ئینسۆلینە هێشتا لە کوردستان بەردەست نییە، بەڵکو لە ئەوروپا و ئەمریکا بەکاردەهێندرێت، بەردەستبوونی ئەم چارەسەرە نوێیە لە داهاتوودا دەکرێت یارمەتیدەرێکی زۆر باشبێت بۆ چارەخوازانی شەکرەی جۆری دوو
• نابێت هیچ کەسێک جۆر یان ڕێژەی ئینسۆلینەکەی بگۆڕێت بەبێ ڕاوێژ و ڕێنمایی پزیشکی پسپۆڕ

زانیاریی زیاتر

بۆ دەستکەوتنی زانیاریی زیاتر سەردانی ئەم لینکەی خوارەوە بکەن

شەکرەی جۆری دوو چییە؟