پووختەی هەواڵە

• کەشناسی: سبەی ئەگەری باران بارین هەیە لە ناوچە شاخاوییەکان
• کەشناسی عێراق: ڕۆژانی داهاتوو ئەگەری باران بارین هەیە لە هەرێمی کوردستان

---

بەڕێوەبەرایەتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ ئاسمان ساماڵ و پەڵەهەورە و سبەی ئەگەری نمەباران لە ناوچە شاخاوییەکان هەیە و کەشناسی عێراقیش ڕایگەیاندووە، لە ڕۆژانی داهاتوودا ئەگەری باران بارین هەیە.

---

کەشناسیی هەرێمی کوردستان:

• سبەی لەکاتەکانی بەیانی ئاسمان پەڵەهەور دەبێت و لەناوچە شاخاوییەکان ئەگەری نمە باران هەیە بەتایبەتی لەکاتەکانی نیوەڕۆ.
•  خێرایی با چالاک دەبێت و لەنێوان 10 بۆ 20 کیلۆمەترە لە کاتژمێرێکدا.
  
  

کەشناسی عێراق:

• سبەی لەسەرتاسەری وڵات ئاسمان نیمچە هەورە.
•  لەڕۆژانی سێشەممە ئەگەری باران بارین هەیە لەناوچەکانی هەرێمی کوردستان و هەندێک کات و هەورە بروسکەی لەگەڵدا دەبێت.
• ڕۆژانی چوارشەممە و پێنجشەممە ئاسمان هەورە و ئەگەری باران بارین هەیە و ئاسمان بەگشتی هەور دەبێت.
  
  

ئەوە لەکاتێکدایە لە ڕۆژانی ڕابردوو، یەکەم بارانی ئەمساڵ لە هەرێمی کوردستان و عێراق باری و بەڕێوەبەرایەتیى گشتیى کەشناسى و بوومەلەرزەزانى هەرێمى کوردستان، کۆى گشتى بڕى بارانبارینى بەشێک لە ناوچەکانی هەرێمى کوردستانى بڵاوکردەوە و ڕایگەیاند، لە هەولێر 3.4 ملم، سلێمانی 8.2 ملم باران باری.

زانیاری زیاتر بۆ تۆ

سەرچاوە ئاوییەکانی عێراق: لە کۆگاکردنى ئاوی بارانی ئەمساڵدا سەرکەوتوو بووین