شڤان پێش ئەوەى بە ئاواتەکەى بگات لە دانکیغى فەرەنسا گیانى سپارد
پووختەى هەواڵەکە
- ئەمڕۆ تەرمی گەنجێکی 20 ساڵ بە ناوى شڤان لە فەڕەنساوە گەڕێنرایەوە.
- لە زێدی خۆی لە ئیدارەی ڕاپەڕین بەخاک سپێردرا.
زانیاریى ئەوە بە کەناڵ8 گەیشت، شڤان ئیسماعیل سێ هەفتە لەمەوبەر لە دارستانەکانى فەڕەنسا تووشی نەخۆشی بوو و ڕەقبووەتەوە گیانی لەدەستداوە، لە کاتێکدا هەوڵیداوە بگاتە بەریتانیا.
لە پاش گرتنەبەری ڕێکاری یاسایی لەلایەنە پەیوەندیدارەکانەوە، ئەمڕۆ تەرمەکەى گەڕێنرایەوە و لە ڕێوڕەسمێکدا لە شارى ڕانیە بەخاک سپێردرا.
جەنگەڵی دانکیغ، لە نزیک شاری دانکیغ لە باکووری فەرەنسا، بووەتە ڕێڕەوێک بۆ ئەو کۆچبەرانەى دەیانەوێت بچنە بەریتانیا.
بەکر عەلی سەرۆکی کۆمەڵەی پەنابەرە گەڕاوەکان:
- شڤان یەکەم کەس نییە و دوایین کەسیش نابێت کە لە ڕێگەی کۆچدا گیانی لەدەستدابێت.
- پێویستە حکومەت بێتەسەرهێڵ بۆ باشترکردنی دۆخی نیشتمان و دابینکردنی هەلیکار.
ڕاپەرین زۆرترین کۆچى گەنجانى تێدایە
لەسەرەتای ئەمساڵەوە لە هەرێمی کوردستان زیاد لە پێنج هەزار کەس ڕێگەی کۆچیان گرتووەتەبەر و لەو ژمارەیەش هەزار و 500 کەسیان خەڵکی ئیدارەی ڕاپەڕین بوون.
زانیاریى زیاتر بۆ تۆ:
سەرۆکی کۆمەڵەی پەنابەرە گەڕاوەکان: کۆچی گەنجان لە راپەڕین گەورەکراوە
1 کاتژمێر پێش ئێستا