پووختەی هەواڵەکە

• حکومەتی هەرێمی کوردستان:  لەم چەند ڕۆژەدا 11 کۆچبەر لە لیبیاوە دەگەڕێنەوە بۆ هەرێمی کوردستان
• حکومەت:  هەندێک لەو کۆچبەرانە بۆ ماوەی 8  مانگ لە بەندینخانەکاندا بوون
• حکومەت:  بەدواداچوون بۆ سۆراخی 10  کۆچبەری دیکەی دەڤەری ڕاپەڕین بەردەوامە

---

حکومەتی هەرێمی کوردستان بڵاویکردووەتەوە، لەپاش ئاگاداربوونیان لە هەواڵی بێسەروشوێن بوونی کۆمەڵێك کۆچبەر لە وڵاتی لیبیا لایەنە پەیوەندارەکان لە وەزارەتی ناوخۆ و فەرمانگەی پەیوەندییەکانی دەرەوە ڕاسپێردران، کە بەپەلە ڕێککاری پێویست بگرنەبەر بۆ دۆزینەوە و ڕزگارکردن و هێنانەوەیان.

---

حکومەتی هەرێمی کوردستان:

• لە ئێستادا تەواوی مامەڵەکانی تایبەت بە هەر 11 کۆچبەرەکە تەواوبووە لەم چەند ڕۆژەدا دەگەڕێنرێنەوە هەرێمی کوردستان.
• کۆچبەرەکان ڕووبەڕووی بارودۆخی سەخت بوونەتەوە کە هەندێکیان بۆ ماوەی 8  مانگ لە بەندینخانەکاندا بوون و لەو ماوەیەدا بە بەردەوامی ڕووبەڕووی مەترسییەکانی مردن بوونەتەوە.
• لە هەوڵەکانمان بەردەوامین بۆ دۆزینەوە و سۆراخی 10  کۆچبەری دیکەی دەڤەری ڕاپەڕین کە ماوەیەکە بێسەروشوێنن.
• بەهەماهەنگی لەگەڵ باڵیۆزخانەی عێراق لە لیبیا و لەڕێگەی نوێنەرایەتییەکانی حکومەتی هەرێمی کوردستان گەڕان و بەدواداچوون بەردەوامە.
  
  

ڕێگە مەترسیدارەکە

حکومەتی هەرێمی کوردستان جەختی کردووەتەوە لەسەر پێویستی و گرنگی خۆپارێزیی گەنجان و خانەوادەکانیان لە گرتنەبەری ڕێگەی کۆچی نایاسایی و نائاسایی بۆ وڵاتانی ڕۆژئاوا و دەشڵێن، "ئەم جۆرە کۆچە نەک هەر مەترسی لەسەر ژیانیان دروست دەکات، بەڵکو دەبێتە هۆی پێشێلکاری یاسای وڵاتانی دیکە و لێپرسینەوەی توندی یاسایی بەدوادا دێت".

پیشتریش ئەحمەد سەحاف کاربەڕێکەری باڵیۆزخانەی عێراق لە لیبیا بە کەناڵ8ـی ڕایگەیاند، توانیویانە نۆ کۆچبەری خەڵکی هەرێمی کوردستان ک بەشێوەی نایاسایی هاتوونەتە لیبیا بدۆزنەوە و ڕێکارەکانی گەڕاندنەوەیان دەستیپێکردووە. گوتیشی، بەردەوامن لە بەدواداچوونەکانیان بۆ دیاریکردنی چارەنووسی 18 کۆچبەری کورد کە دەگوترێت لە لیبیاوە بەڕێکەوتوون بۆ ئیتالیا و چارەنووسیان نادیارە. و موونەی DNA لە کەسوکارەکانیان وەرگیراوە.

زانیاری زیاتر بۆ تۆ

چارەنووسی کۆچبەرانی کورد لە لیبیا؛ پشکنینی DNA ڕاستییەکان ئاشكرا دەکات