وەزیرى دارایى لەسەر مێزەکەى چوارچێوەى هەماهەنگى ئامادەبوو
پووختەى هەواڵەکە:
- چوارچێوەی هەماهەنگی گفتوگۆى لەبارەی دۆخی دارایی و ئابووریى عێراق کرد.
- جەخت لە پیادەکردنی سیاسەتێکی نەختینەیی و پەرەپێدان بۆ پاڵپشتیی ئابووری کرایەوە.
چوارچێوەی هەماهەنگی لە ڕاگەیێنراوێکدا دەڵێت، کۆبوونەوەکە بە ئامادەبوونی عەلی زەیدی، سەرۆکوەزیرانی عێراق و میوانداری فالح ساری، وەزیرى دارایی بەڕێوەچووە و تاوتوێی چەند دۆسیەیەکی گرنگیی پەیوەندیدار بە دۆخ و گوزەران و خزمەتگوزاریی هاوڵاتییان کراوە.
ناوەڕۆکى ڕاگەیێنراوەکەی چوارچێوەی هەماهەنگی:
- گفتوگۆ لەبارەى کاروباری دارایی و ئابووری عێراق و پلانە خزمەتگوزارییەکانی حکومەت کراوە.
- تیشک خراوەتەسەر دۆسیەی ئابووری و دارایی.
- جەخت لە پیادەکردنی سیاسەتێکی نەختینەی و پەرەپێدانى کراوەتەوە.
- سیاسەتەکە پاڵپشتیی سەقامگیریی ئابووری بکات و بەشێوەیەکی کرداری ئاستی بژێوی تاکی عێراق بەرزبکاتەوە و خزمەتگوزارییە بنەڕەتییەکان باشتر بکات.
دۆخى عێراق و پێشهاتە هەرێمایەتییەکان
هەر لە کۆبوونەوەکەدا چوارچێوەی هەماهەنگی باسی دوایین پێشهاتە هەرێمایەتی و نێودەوڵەتییەکانى کردووە، دۆخی ناوچەکە و جیهان تاوتوێکراوە و جەخت لە گرنگی پاراستنی سەقامگیری و بەرژەوەندییە باڵاکانی عێراق کراوەتەوە.
ئامادەبوونى وەزیرى دارایى لە کۆبوونەوەى چوارچێوەى هەماهەنگى هاوکاتە لەگەڵ ئامادەکردنى پرۆژەیاساى بودجە و ئاڵنگارییەکانى بەردەم وڵات.
عێراق کە بۆ داهاتەکەى بە تەواوەتى پشت بە نەوت دەبەستێت، دۆخە داراییەکەى جۆرێک لە ناسەقامگیرى بەخۆوەبینیوە، بەتایبەت بەهۆى جەنگى ئەمریکا و ئیسرائیل لەگەڵ ئێران.
لە ڕەشنووسى پڕۆژەیاسای بودجەی گشتیدا، نرخی فەرمی یەک دۆلار بە هەزار و 500 دینار (واتا 100 دۆلار بە 150 هەزار دینار) دەستنیشانکراوە. ئەمەش جۆرێک لە گۆڕانکاری و ڕێکخستنی نوێ لە بازاڕی دراودا دروست دەکات.
زانیاریى زیاتر بۆ تۆ:
35 خولەک پێش ئێستا