پووختەی هەواڵەکە

• قوباد تاڵەبانی، سەردانی وەزارەتی کاروباری پێشمەرگەی کرد
• قوباد تاڵەبانی لەگەڵ وەزیری پێشمەرگە و ڕاوێژکارانی باڵای وەزارەتەکە کۆبووەوە

---

قوباد تاڵەبانی، جێگری سەرۆکوەزیرانی هەرێمی کوردستان، لە کۆبوونەوەکەیدا لەگەڵ بەرپرسانی پێشمەرگە، پرسی یەکخستنەوەی هێزەکان، دابینکردنی شایستە داراییەکان و پڕچەککردنی هێزی پێشمەرگەی کوردستانی تاوتوێ کرد.

---

 جێگری سەرۆکوەزیرانی هەرێمی کوردستان:

• یەکخستنەوەی هێزەکانی پێشمەرگەی دەستکەوتێکی گەورەی مێژووییە.
• یەکگرتنەوەکە  نەک تەنها هاوڵاتییانی کوردستانی دڵخۆش کرد، بەڵکو وڵاتانی دۆست و هاوپەیمانیش بەم هەنگاوە دڵخۆش بوون.
• دەستخۆشی لە وەزیری پێشمەرگە و بریکار و بەڕێوەبەران و فەرماندەکان و راوێژکاران و هەموو ئەو کەس و لایەنانە دەکەم بەشداربوون لە هەوڵەکانی یەکخستنەوە و رێکخستنەوەی هێزەکانی پێشمەرگە.
• بە هەموو تواناوە کار دەکەین بۆ هاوتاکانی موچەی هێزەکانی پێشمەرگە لەگەڵ هاوتاکانیان لە سوپای عێراق.
• ئێستا هەرێمی کوردستان خاوەنی هێزێکی یەکگرتووی نیشتمانییە.
• وەک حکومەتی هەرێم پشتیوانی لە هەر هەوڵێک دەکەین بۆ پێشخستنی زیاتری هێزی پێشمەرگەی کوردستان.

کاتی ڕاهێنان و پڕچەککردنە

جێگری سەرۆکوەزیران ئاماژەی بەوەشدا ئەم قۆناغە قۆناغی راهێنان و پڕچەککردنی زیاتری هێزی پێشمەرگەیە و لەم چوارچێوەیەدا هەوڵ دەدەن نوێنەرێکی وەزارەتی پێشمەرگە بەشداربێت لەو لیژنەیەی حکومەتی هەرێم کە بۆ جێگیرکردنی ماف و شایستە داراییەکانی هەرێم لە بودجەی حکومەتی فیدڕاڵ پێکهاتووە، بۆ ئەوەی باشتر بتوانرێت ماف و شایستەکانی هێزەکانی پێشمەرگە لە بودجەی فیدراڵی جێگیر بکرێت.

 زانیاری زیاتر بۆ تۆ

زەیدی: یەکخستنەوەی پێشمەرگە ئاسایشی نیشتمانی و دامەزراوەیی بەهێز دەکات

ئەنجوومەنی وەزیران پرسی یەکخستنەوەی پێشمەرگە و مووچەکانیان تاوتوێ دەکات