پووختەى هەواڵەکە

• بە بڕیارى وەزیرى دارایى عێراق، زیاتر لە 400 هەزار مامۆستا و فەرمانبەرى گرێبەست دەکرێن بە هەمیشەیى.
• عەلی ڕەئووف: 63 هەزار مامۆستا و فەرمانبەری گرێبەست دەکرێن بە هەمیشەیى.

---

عەلی ڕەئووف مستەفا، یەکێک لە نوێنەرانی مامۆستایانی گرێبەست لە هەرێمى کوردستان بە کەناڵ8ـى ڕاگەیاند، وەزیرى دارایى عێراق بە لیژنەى دارایى ڕاگەیاندووە، زیاتر لە 400 هەزار مامۆستا و فەرمانبەرى گرێبەست لە بودجەی ساڵی 2027 دەکرێن بە هەمیشەیی.

---

بڕیارەکانى وەزارەتى دارایی عێراق

• 63 هەزار مامۆستا و فەرمانبەری گرێبەستى هەرێمى کوردستان لە بودجەی ساڵی 2027 لە گرێبەستەوە دەکرێن بە هەمیشەیی.
• وەزیرى دارایى عێراق بڕیاریداوە بە دامەزراندنى 150 دەرچووى دانەمەزراو بە شێوەى گرێبەست دابمەزرێنێت.
• لەو ژمارەیە پشکى هەرێمى کوردستان لە نێوان 12 بۆ 14 هەزار کەس دەبێت.
• هەوڵ هەیە ئەو ژمارەیە زیادبکرێت بۆ ئەوەى زۆرترین مامۆستا و فەرمانبەرى گرێبەست بکرێن بە هەمیشەیى.

ئەوە لە کاتێکدایە، لە هەرێمى کوردستان نزیکەى 78 هەزار فەرمانبەرى گرێبەست هەیە، کە زۆرینەیان مامۆستاى گرێبەستى سەر بە وەزارەتى پەروەردەن و ژمارەیان 38 هەزار مامۆستایە.

زانیارى زیاتر بۆ تۆ

مووچەی مامۆستایانی گرێبەست و بەشێک لە فەرمانبەرانی هەمیشەیی و گرێبەست دابەش دەکرێت