د. دانا تەیب، پزیشکی پسپۆڕی وردی نەخۆشییەکانی هەرس و جگەر، سەبارەت بە ئازاری زراو، دەڵێت:  

• کاتێک چارەخواز پشکنینی سۆنەر ئەنجام دەدات و پزیشکەکەی پێی دەڵێت: "تورەکەی زراوت تەواو پاکە و هیچ بەردێکی تێدا نییە"، بەڵام چارەخوازەکە دوای خواردنی هەر ژەمێک، بەتایبەت خواردنە چەورەکان، بەدەست ئازاری توندی لای ڕاستی سکیەوە دەناڵێنیت!
• بەردی زراو تەنیا کێشەی تورەکەی زراو نییە، بەڵکو دەکرێت تورەکەی زراو تووشی "تەمبەڵی'' ببێت
• کاتێک تورەکەی زراو توانای پێویستی نامێنێت بۆ گرژبوون و دەرکردنی شلەی زراو بە مەبەستی هەرسکردنی چەوری، فشار لەسەر دیواری تورەکەی زراو دروست دەبێت و دەبێتەهۆی دروستبوونی ئازاری توند، هەڵئاوسانی سک و هێڵنجدان
• تێگەیشتن لە کارکردنی فسیۆلۆجیی جەستە یاریمەتیدەر دەبێت تاوەکو بە شێوەیەکی دروست ڕێجیمی خۆراکی ڕێکبخرێت و کەسەکە خۆی لە وەرگرتنی دەرمانی ناپێویست بەدوور بگرێت

ئاڵۆزییەکانی بوونی بەردی زراو چین؟

• هەوکردنی تورەکەی زراو
• گیرانی بۆری زراو
• گیرانی بۆری پەنکریاس
• شێرپەنجەی زراو
  

چۆن ڕێگری لە دروستبوونی بەردی زراو بگیرێت؟

• لە کاتی خۆیدا ژەمەخۆراکییەکان بخورێن
• بە هێواشی کێشی جەستە کەم بکرێتەوە
• ئەو خواردنانە بخورێن کە دەوڵەمەندن بە پێکهاتەی ڕیشاڵی، وەک سەوزە، میوەکان و دانەوێڵە تەواوەکان
  
  

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن

 لابردنی زراو و کاریگەریی لەسەر پرۆسەی هەرسکردنی خواردن