ئیسرائیل ئاماری هێرشەکانی لە سێ ساڵی ڕابردوو ئاشکراکرد
پووختەی هەواڵەکە
- سوپای ئیسرائیل: لە سێ ساڵدا 100 هەزار ئامانجمان بۆردوومان کردووە
- سوپای ئیسرائیل: هێرشەکانمان لە غەززە، لوبنان، یەمەن، سووریا و ئێران ئەنجامداوە
سوپای ئیسرائیل لە ڕاگەیێنراوێکدا ئاماژەی بەوەکردووە، لە دوای هێرشەکانی 7ـی ئۆکتۆبەری حەماس و دەستپێکردنی جەنگ لە بەرە جیاوازەکان، 65 هەزار پێگەیان لە کەرتی غەززە و 28 هەزار لە لوبنان و سووریا و نزیکەی چوار هەزار و 500 ئامانج لە ئێران و نزیکەی 80 ئامانجیان لە یەمەن بۆردوومانکردووە.
نزیکەی هەزار سەرباز ی ئیسرائیل کوژراون
لە ڕاگەیێنراوەکەدا وردەکارییەکان دەربارەی سرووشتی ئامانجەکان و زیانەکان نەخراونەتەڕوو، تەنیا ئاماژە بەوەکراوە کە لەماوەی سێ ساڵی ڕابردوودا 970 سەربازی ئیسرائیلی لە ئەرکدا کوژراون، ئەمە جگە لە کوژرانی هەزار و 200 هاوڵاتیی ئیسرائیلی.
" شەش هەزار چەکداری حەماس چوونەتە ئیسرائیل"
بەگوێرەی داتای سوپای ئیسرائیل، لە کاتی هێرشەکەی 7ـی ئۆکتۆبەردا، نزیکەی شەش هەزار چەکداری حەماس و گرووپە چەکدارەکانی دیکە لە غەززەوە چوونەتە ناو ئیسرائیلەوە، تاوەکو ئێستاش نزیکەی چوار هەزاریان کوژراون و گەڕان بەدوای دوو هەزارەکەی دیکەدا بەردەوامە.
لە دوای هێرشەکەی 7ـی ئۆکتۆبەرەوە، واتە لە ماوەی سێ ساڵی ڕابردوودا، ئیسرائیل لە چەندین بەرەدا لە شەڕدا بووە، دیارترینیان شەڕی لوبنان دژ بە حیزبوڵا، شەڕی حەماس لە غەززە و جەنگی ڕاستەوخۆی ئێران، ئەمە جگە لە هێرش و بۆردوومانە ناوبەناوەکان لە سووریا و یەمەن.
زانیاریی زیاتر بۆ تۆ
قەتەڕ: هێرشی ئیسرائیل بۆ سەر کێڵگەکانی غاز نابەرپرسیارانەیە
لە چوار مانگدا بەهۆی هێرشی ئیسرائیل چوار هەزار و 278 لوبنانی کوژراون
56 خولەک پێش ئێستا