پووختەى هەواڵەکە

• ناوەندی قەیرانەکانی هەرمی کوردستان ڕایگەیاند، 11 گەنجی هەرێمی کوردستان، لە لیبیاوە گەیشتوونەتەوە شارى هەولێر و بە کەسوکاریان شادبوونەوە.
• ئەو 11 کۆچبەرە لە ڕێگەی فڕۆکەخانەی معێتیقە لە تەڕابلوسەوە ڕەوانەی هەولێر کراونەتەوە.

---

دوێنێ ئەحمەد سەحاف، کاربەڕێکەری باڵیۆزخانەی عێراق لە لیبیا بە کەناڵ8ـی ڕاگەیاند، ئەو 11 کۆچبەرە لە ڕێگەی فڕۆکەخانەی معێتیقە لە تەڕابلوسەوە ڕەوانەی هەولێر کراونەتەوە.

---

کاربەڕێکەری باڵیۆزخانەی عێراق لە لیبیا:

• لە ماوەی دوو ساڵی ڕابردوودا توانیویانە 404 کۆچبەری نایاسایی لە لیبیاوە ڕەوانەی عێراق و هەرێمی کوردستان بکەنەوە.
• باڵیۆزخانەی عێراق لە لیبیا، پاڵپشتییەکی مرۆیی و خزمەتگوزاریی پزیشکی پێشکەش بەو کۆچبەرانە دەکات کە دەگەنە لیبیا.
• باڵیۆزخانەی عێراق لە لیبیا: هەماهەنگیی تەواویان لەگەڵ فەرمانگەی پەیوەندییەکانی دەرەوە و وەزارەتی ناوخۆی هەرێمی کوردستان هەیە.

هۆشدارى دەدرێتە گەنجان و کەسوکاریان

کاربەڕێکەری باڵیۆزخانەی عێراق لە لیبیا، هۆشداریی دەداتە گەنجان و خێزانەکانیان لە تێوەگلان لە چالاکیی تۆڕەکانی قاچاغچێتی و مامەڵەکردن لەگەڵ تۆڕەکانی بازرگانیکردن بە مرۆڤەوە و دەڵێت، بەهۆی مەترسییەکانی پەیوەندیدار بە کۆچکردن لە لیبیاوە، کۆچبەران ڕووبەڕووی خنکان و بێسەروشوێن بوون دەبنەوە.

ئەحمەد سەحاف، ستاییشی ڕۆڵی هێزە ئەمنییەکانی لیبیا دەکات بۆ هەماهەنگیکردن لەگەڵیان و سەرخستنی هەوڵەکانی گەڕانەوەی ئارەزوومەندانەی کۆچبەران.

زانیارى زیاتر بۆ تۆ

ئەحمەد سەحاف: 11 کۆچبەری هەرێمی کوردستانمان لە لیبیاوە گەڕاندەوە