پووختەى هەواڵەکە

• کابەڕێکەری باڵیۆزخانەی عێراق لە لیبیا ڕایگەیاند، 11 کۆچبەریان لە تەڕابڵوسەوە بۆ هەرێمی کوردستان گەڕاندووەتەوە.
• ئەحمەد سەحاف داوا لە گەنجان دەکات بۆ کۆچکردن پەنا بۆ لیبیا نەبەن.
• ئەحمەد سەحاف بۆ کەسوکارى گەنجان: ئاگاداربن لە مامەڵەکردن لەگەڵ تۆڕەکانی بازرگانی کردن بە مرۆڤ و ناردنی ڕۆڵەکانتان بە ڕێگەی مەترسیداری کۆچ.

---

ئەحمەد سەحاف، کاربەڕێکەری باڵیۆزخانەی عێراق لە لیبیا بە کەناڵ8ـی ڕاگەیاند، ئەو 11 کۆچبەرە لە ڕێگەی فڕؤکەخانەی معێتیقە لە تەڕابلوسەوە ڕەوانەی هەولێر کراونەتەوە.

---

ئامارەکان ڕزگارکردنى کۆچبەرانى عێراق لە لیبیا

• لە ماوەی دوو ساڵی ڕابردوودا توانراوە 404 کۆچبەری نایاسایی لە لیبیاوە ڕەوانەی عێراق و هەرێمی کوردستان بکەنەوە.
• بە گوتەی ئەحمەد سەحاف، باڵیۆزخانەی عێراق لە لیبیا، پاڵپشتییەکی مرۆیی و خزمەتگوزاریی پزیشکی پێشکەش بەو کۆچبەرانە دەکات دەگەنە لیبیا.
• دەشڵێت، هەماهەنگیی تەواویان لەگەڵ فەرمانگەی پەیوەندییەکانی دەرەوە و وەزارەتی ناوخۆی هەرێمی کوردستان هەیە.

کاربەڕێکەری باڵیۆزخانەی عێراق لە لیبیا، هۆشداریی دەداتە گەنجان و خێزانەکانیان لە تێوەگلان لە چالاکی تۆڕەکانی قاچاغچێتی و مامەڵەکردن لەگەڵ تۆڕەکانی بازرگانیکردن بە مرۆڤەوە و دەڵێت، بەهۆی مەترسییەکانی پەیوەندیدار بە کۆچکردن لە لیبیاوە، کۆچبەران ڕووبەڕووی خنکان و بێسەروشوێن بوون دەبنەوە.

ئەحمەد سەحاف، ستایشی ڕۆڵی هێزە ئەمنییەکانی لیبیا دەکات بۆ هەماهەنگیکردن لەگەڵیان و سەرخستنی هەوڵەکانی گەڕانەوەی ئارەزوومەندانەی کۆچبەران.

زانیارى زیاتر بۆ تۆ

دوای 8 مانگ مانەوە لە بەندینخانە؛ 11 کۆچبەری کورد لە لیبیاوە ڕزگار دەکرێن

چارەنووسی کۆچبەرانی کورد لە لیبیا؛ پشکنینی DNA ڕاستییەکان ئاشكرا دەکات