پووختەى هەواڵەکە

• باڵیۆزخانەی ئەمریکا لە ئوردن هۆشداری بە ئەمریکییەکان دەدات؛ زیاتر ئاگاداربن.
• باڵیۆزخانەی ئەمریکا لە ئوردن: ئەگەری داخستنی ئاسمانی ناوچەکە هەیە.
• باڵیۆزخانەی ئەمریکا لە ئوردن: حوسییەکان کردەی دوژمنکارانەیان دژی سعودیە ئەنجامداوە.
• باڵیۆزخانەی ئەمریکا لە ئوردن: ئەگەری بەرفراوانبوونی خێرای ئاڵۆزییەکان هەیە.

---

باڵیۆزخانەی ئەمریکا لە عەممانی پایتەختی ئوردن، ئاگادارییەکی ئەمنی ئاڕاستەی هاوڵاتییانی وڵاتەکەی لە ڕۆژهەڵاتی ناوەڕاست کرد و تیایدا داوا دەکات، بەهۆی ئاڵۆزیی بارودۆخی ئەمنییەوە،.

---

هەڵوەشانەوەى گەشتە ئاسمانییەکان

• باڵیۆزخانەکە لە ئاگادارییەکەدا ئاماژەی بە ئەگەری هەڵوەشاندنەوەی گەشتە ئاسمانییەکان کردووە.
• هاوکات ئاماژەى بە داخستنی ئاسمانی ناوچەکە و ڕوودانی ئاستەنگ لە پڕۆسەی گواستنەوەدا کردووە.
• داوای کردووە، لە ڕێگەی کۆمپانیاکانى گەشتوگوزار یان ماڵپەڕی فەرمیی فڕۆکەخانەی نێودەوڵەتیی "مەلیکە عەلیا" لە عەممان، ڕاستەوخۆ بەدواداچوون بۆ کاتی بەڕێوەچوونی گەشتەکانیان بکەن.
• حوسییەکان کردەی دوژمنکارانەیان دژی سعودیە ئەنجامداوە، لەوانەش، هێرشکردنە سەر فڕۆکەخانە مەدەنییەکان و ژێرخانە هەستیارەکان کە قوربانیی لێکەوتووەتەوە.
• باڵیۆزخانەکە هۆشداری داوە، لە ئەگەری خێرا بەرفراوانبوونی ئاڵۆزییەکان.
• ئێران و گرووپە لایەنگرەکانی ڕەنگە بەرژەوەندییەکانی ئەمریکا، دامەزراوە، یان بنکە و کۆمپانیا پەیوەندیدارەکانی ئەمریکا لە ناوچەکە و سەرانسەری جیهاندا بکەنە ئامانج.

هۆشدارییەکەی کونسوڵخانەی ئەمریکا لەکاتێکدایە، لە ئەنجامی هێرشێکدا بۆ سەر فڕۆکەخانەی نێودەوڵەتیی مەلیک خالید لە ڕیاز و فڕۆکەیەکی کۆمپانیای هێڵی ئاسمانیی سعودیە لە ڕۆژی پێنجشەممەدا، سێ هاوڵاتیی سعودی کە یەکێکیان کاپتنی هێڵی ئاسمانیی سعودیە بووە کوژران و چەند کەسێکی دیکەش بریندار بوون.

زانیارى زیاتر بۆ تۆ

سوپای ئێران: ئەگەر هێرشەکان دەستپێبکاتەوە بەرەی نوێی جەنگ دەکەینەوە