پووختەى هەواڵەکە

• کاردانەوەى گرژییەکانى شارى حەسەکە لە ڕۆژئاواى کوردستان بەردەوامن.
• فەرهاد شامی، بەڕێوەبەری پێشووی ناوەندی ڕاگەیاندنی هەسەدە لەبارەى دۆخەکەوە هۆشداریى دەدات.
• فەرهاد شامی داوا لە کۆمەڵگەى نێودەوڵەتى دەکات بە زوویى بێتە سەر هێڵ.

---

فەرهاد شامی، لە تۆڕى ئێکس نووسیویەتى "لە باکووری ڕۆژهەڵاتی سووریا مەترسی هەیە کە هەڕەشە لە لەدەستدانی ئەو قوربانیدانانە دەکات هێزەکانی سووریای دیموکرات و هاوپەیمانیی نێودەوڵەتی لە ماوەی دەیەی ڕابردوودا لە شەڕی دژی داعش و توندڕەویدا پێشکەشیان کرد".

---

ناوەڕۆکى پۆستەکەى فەرهاد شامى:

• خۆپیشاندانەکەى حەسەکە یادەوەرییە نیگەرانكەرەكانی سەردەمی "داعش" دەهێننەوە یاد.
• نیگەرانییەکی جددی سەبارەت بە سەرهەڵدانەوەی توندڕەوی دروست دەکات.
• هەڕەشە ڕووبەڕووی کورد و کریستیانەکان و پێکهاتەکانی دیکەی ناوچەکە دەبێتەوە.
• پێویستی بە گرنگیپێدانی بەپەلەی ڕێکخراوە نێودەوڵەتییەکان و هەنگاوێکی یەکلاکەرەوە هەیە.

بانگەواز لە فەرهاد شامییەوە:

• ئەوەی لە باکووری ڕۆژهەڵاتی سووریا ڕوودەدات، پێویستی بە وردبینییەکی جددی نێودەوڵەتیی هەیە.
• دەبێت ڕێگەنەدرێت دەیەیەک لە قوربانیدان لە شەڕی دژی "داعش" لەدەستبچێت.
• نابێت ئاسایشی کورد و کریستیانەکان و پێکهاتەکانی دیکە لەژێر ڕەحمەتی توندڕەوی پەرەسەندو و بەرژەوەندییە نێودەوڵەتییە گۆڕاوەکاندا جێبهێڵرێت.

ڕۆژانى پێنجشەممە و هەینى پارێزگاى حەسەکەى ڕۆژئاواى کوردستان، بە دۆخێکى ئەمنى ئاڵۆزدا تێپەڕى و تاوەکو ئێستا دۆخەکە هێورنەبووەتەوە، بەشێک لە هاوڵاتییانى عەرەب بۆ نەهێشتنى سیماى بەڕێوەبەرایەتیی خۆسەر و سەپاندنى دەسەڵاتى دەوڵەت، هێرشیان کردە سەر گەڕەک و سیمبولە کوردییەکانى شارەکە.

زانیاریى زیاتر بۆ تۆ:

غوێران و نەشوە، ئەو دوو گەڕەکەى نایانەوێت حەسەکە ئارام بێت