نوورى مالیکى: نابێت گۆڕانکاری لە بەهای دینار بارگرانى بۆ خەڵک دروست بکات
پووختەى هەواڵەکە
- نوورى مالیکى، سەرۆکى هاوپەیمانى دەوڵەتى یاسا، هەڵوێستى خۆى لەبارەى دابەزاندنى بەهاى دینار لە بەرامبەر دۆلار ڕاگەیاند.
- نوورى مالیکى: دەبێت حکومەت پارێزگاری لە ئاستى بژێوى خەڵک بکات.
- نوورى مالیکى: بڕیارەکەى حکومەت کاردانەوەى لێکەوتەوە و دوو بەرەی دروستکرد.
- نوورى مالیکى: بەرەیەک پشتیوانى بڕیارەکە و بەرەیەکیش دژ بە بڕیارەکەن.
نوورى مالیکى، سەرۆکى هاوپەیمانیى دەوڵەتى یاسا لە پۆستێکدا لە تۆڕی کۆمەڵایەتیی ئێکس، باس لە ڕێکارەکانى حکومەتى عێراق دەکات لە دابەزاندنی بەهاى دینار بەرامبەر دۆلار و ئاماژە بەوە دەکات، بڕیارەکەى حکومەت کاردانەوەى لێکەوتەوە و دوو بەرەی دروستکرد کە بەرەیەکی پشتیوانى بڕیارەکە و بەرەیەکیش دژ بە بڕیارەکە.
تەواوى بۆچوونەکەى مالیکى لەسەر گۆڕینى بەهاى دینار لەبەرامبەر دۆلار
- ڕوانینى هەردوو بەرەکە لە پەرۆشییانەوە بۆ هێزى کڕینى هاوڵاتییان و ئاستى بژێوى خەڵک سەرچاوەى گرتووە.
- ڕێکارەکانى گۆڕانکاریى لە بەهاى دراوى نیشتمانى لە زۆرێک لەو وڵاتانەدا تاقیکراوەتەوە کە ڕووبەڕووى قەیرانى ئابووریى بوونەتەوە.
- بەڵام سەرکەوتنى پڕۆسەکە پەیوەستە بە تواناى حکومەت لەسەر چارەسەرکردنى کاریگەرییە نەرێنییەکان و داهاتى هاوڵاتییان و ڕێگریکردن لە کاریگەربوونى لەسەر بازاڕەکان.
- سەرۆکى هاوپەیمانى دەوڵەتى یاسا: ئاگادارى ڕێکار و میکانیزمەکانى حکومەتین بۆ گرەنتیکردنى داهاتى هاوڵاتییان و تواناى شت کڕینیان.
- هەروەها ئاگادارن لە سەقامگیریى بازاڕ و بەردەوامبوونى چالاکییە ئابوورییەکان، بە جۆرێک کە بڕیارەکە بارگرانى بۆ خەڵک دروست نەکات.
- مالیکى داواى کرد، حکومەت پەلە بکات لە ڕاگەیاندنى چارەسەری و ئەو ڕێکارانەى کە پارێزگاریى لە داهاتى تاک و ئاستى بژێوی و بەرژەوەندیى هاوڵاتییان دەکات و برەو بە سەقامگیریى ئابووریى دەدات.
ينقسم المعنيون بالشأن الاقتصادي العراقي بين مؤيد ومعارض لقرار رفع سعر صرف الدولار، انطلاقاً من الحرص على القوة الشرائية للمواطن ومستوى معيشته. إن إجراءات خفض قيمة العملة الوطنية تُعتمد في بعض الدول التي تواجه أزمات اقتصادية، لكن نجاحها يرتبط بقدرة الحكومة على معالجة آثارها السلبية، وحماية دخول المواطنين، والحد من انعكاساتها على الأسواق. ونحن نعلم أن الحكومة بصدد اتخاذ إجراءات وآليات واضحة تضمن الحفاظ على دخول المواطنين وقدرتهم الشرائية، واستقرار الأسواق واستمرار الأنشطة الاقتصادية، بما يحول دون تحميل المواطن أعباء هذه المعالجات. وفي الوقت ذاته، ندعو إلى عدم اتخاذ هذا الإجراء ذريعة لإثارة القلق أو تعكير الأجواء، ونؤكد أهمية الإسراع في إعلان الحلول والإجراءات الكفيلة بحماية دخل الفرد ومستوى معيشته، بما يحفظ مصالح المواطنين ويعزز الاستقرار الاقتصادي. #المالكي
— Nouri Al-Maliki (@nourialmalikiiq) October 11, 2026
ئەوە لە کاتێکدایە، ئەنجوومەنى وەزیرانى عێراق لە کۆبوونەوەى ڕۆژى 6ـى تشرینى یەکەمدا بڕیاریدا گۆڕانکارى لە بەهاى دینار بەرامبەر دۆلار بکات و بەهاى 100 دۆلارى ئەمریکى بە 150 هەزار دینارى عێراقى جێگیر کرد.
زانیاریی زیاتر بۆ تۆ
فالح سارى پێشتر لە بارەى دابەزاندنى بەهاى دینار چوارچێوەى هەماهەنگى ئاگادارکردووەتەوە
58 خولەک پێش ئێستا