پووختەى هەواڵەکە

• بە پێچەوانەى حکومەتى عێراقەوە کەتیبەکانى حیزبوڵاى عێراق، پشتیوانیی خۆیان بۆ حوسییەکان ڕاگەیاند.
• داوا لە محەممەد بن سەلمان دەکەن دان بە شکستدا بنێت و گەمارۆ و ستەم لەسەر گەلى یەمەن هەڵبگرێت.

---

دواى ئەوەى حکومەتى عێراق، سەرکۆنەى هێرشى حوسییەکانى بۆ سەر فڕۆکەخانەى مەلیک خالید لە ڕیازى پایتەختى سعودیە کرد، کەتیبەکانى حیزبوڵاى عێراق لە ڕاگەیێنراوێکدا، پیرۆزبایی لە گەلى یەمەن و سەرکردایەتییەکەى دەکات بۆ کردەوە سەربازییەکان و بەرگریکردنیان لە شکۆى گەل و مافە خوراوەکانى، بەهۆى گەمارۆى سەپێنراو بەسەریدا لە لایەن سعودیە بە پاڵپشتى ئەمریکا.

---

ناوەڕۆکى پەیامەکەى حیزبوڵاى عێراق

• داوا لە محەممەد بن سەلمان جێنشینى سعودیە دەکات، شکست قبووڵ بکات و گەمارۆى سەر گەلى یەمەن هەڵبگرێت.
• گەلى عێراق و مقاوەمەى ئیسلامى لە پاڵ گەلى یەمەن و دۆزى دادپەروەرانەیان دەوەستێت.
• ئەو دەنگە نەشازانەى لێرە و لەوێ بەرز دەبنەوە گوزەراشت لە خاوەنەکانیان دەکات.
• گەلى یەمەنى ڕەسەن بە هەموو پێکهاتەکانییەوە بە پاڵپشت و پشتیوانى هەموو دۆزێکى ڕەواى گەلان دەمێنێتەوە.
• حیزبوڵا داوا لە جەنگاوەرانى یەمەن دەکات بەردەوامبن لە سزادانى توندى قۆچى شەیتان و دوژمنانى مرۆڤایەتى.
• تاوەکو سەردەکەون و ماف بۆ گەلەکەیان دەگەڕێننەوە و ستەم لەسەر گەلى یەمەنى ستەملێکراو هەڵدەگرن.
  
  پێشتریش سەباح نوعمان، گوتەبێژى فەرماندەى گشتیی هێزە چەکدارەکانى عێراق ڕایگەیاندبوو، حکومەتى عێراق هەر جۆرە پەرەسەندنێک و کردەوەیەکى سەربازى و دوژمنکارانە ڕەتدەکاتەوە بەتایبەت ئەگەر کەسانى مەدەنى و دامەزراوە مەدەنییەکان بکاتە ئامانج. کە دەبێتە هۆى قووڵکردنەوەى ناکۆکییەکان و لێکەوتەى نەرێنى لەسەر ئاشتى تەواوى ناوچەکە جێبێڵێت.

زانیاریی زیاتر بۆ تۆ

کەتیبەکانى حیزبوڵاى عێراق چالاکییە سەربازییەکانى ڕادەگرێت