ئیلهام ئەحمەد بۆ کەناڵ8: خواستی کورد لە سووریا ڕوون و ڕەوانە
عەدنان ئەحمەد 1 کاتژمێر پێش ئێستا
پووختەى هەواڵەکە:
- لەنێوان دیمەشق و ڕۆژئاواى کوردستان چەندین پرس بە چارەسەرنەکراوى ماونەتەوە.
- هەریەکە لە مەزڵوم عەبدى و ئیلهام ئەحمەد بۆ بەشدارى لە دیدارى مێرى لە هەولێرن.
- تەوەرى گفتوگۆ و کۆبوونەوەکانیان ڕێککەوتن و پەیوەندییەکانە لەگەڵ دیمەشق.
ئیلهام ئەحمەد، ئەندامی لیژنەی پەیوەندییەکانی دەرەوەی ئەنجوومەنی گەلی سووریا لە دیدارێکی تایبەتدا لەگەڵ کەناڵ8 ڕایگەیاند، هەنگاوی گرنگ لە ڕێککەوتنی نێوان هەسەدە و دیمەشق نراوە، بەڵام هێشتا کۆمەڵێک هەنگاو ماون بنرێن و هەموو کێشەکان چارەسەر بکرێن.
ئیلهام ئەحمەد:
- چەندین ساڵە کورد داوای دەوڵەتێکی دیموکرات، فرەیی و نامەرکەزیی دەکات.
- دەسەڵاتە خۆجێیەکان بەهێز بکرێن.
- پرسی زمانی دایک و نوێنەرایەتیی سیاسیی بۆ کورد لە سووریا، هێڵی سوورن و ناکرێت جێبەجێنەکرێن.
- ئێستا بەشێک لە وانەکان بە کوردی دەخوێنرێت.
- پێویستە خوێندن بە زمانی کوردی لە دەستووری نوێی سووریادا بچەسپێنترێت.
- پرسی یەپەژە چارەسەر کراوە و هێزەکانیان لە چوارچێوەی یەکەی تایبەت لەنێو هێزەکانی سووریادا دەبن.
- تاوەکو ئێستا بەشداریی ژنان لە سووریا ڕواڵەتییە و ڕۆڵیان پێنەدراوە.
لە یەکەم ڕۆژى دیدارى مێرى، ئیلهام ئەحمەد لە پانێڵێکدا قسەى لەسەر چەند پرسێک کرد، بڕیاریشە لە دووەم ڕۆژدا مەزڵوم عەبدى، قسە بکات.
زانیاریى زیاتر بۆ تۆ
عەدنان ئەحمەد
1 کاتژمێر پێش ئێستا