پووختەى هەواڵەکە

• ڕووداوەکانی هاتوچۆ بە یەکێک لە هۆکارە سەرەکییەکانی مردن لە ئێران هەژمار دەکرێن.
• وەزیری تەندروستیی ئێران: ساڵانە 20 هەزار کەس بەهۆیەوە گیان لەدەست دەدەن.

---

محەممەد ڕەزا زەفەرقەندی، وەزیری تەندروستیی ئێران بە میدیای فەرمیی وڵاتەکەی گوتووە، "بەهۆی ڕووداوەکانی هاتوچۆ لە ناوەوە و دەرەوەی شارەکان، ساڵانە نزیکەی 20 هەزار کەس لە سەرانسەری ئێران گیان لە دەستدەدەن.

---

نیگەرانییەکان لە بارەى هۆکارى ڕووداوەکانى هاتوچۆ

• زەفەرقەندی: تاوەکو کوالێتیی ئۆتۆمبیلەکان و خراپیی ڕێگاوبانەکان و پابەندبوونی شوفێران بە تەواوی جێبەجێنەکرێن، ئاماری مردن و برینداربوون ڕوو لە زیادبوون دەکات.
• پێشتر دامەزراوەی پزیشکی دادیی ئێران، ڕایگەیاندبوو، لە چوار مانگی سەرەتای ئەمساڵەوە زیاتر لە 6 هەزار کەس بە ڕووداوی هاتوچۆ گیانیان لە دەستداوە.
• زیاتر لە 143 هەزار کەس بەوهۆیەوە برینداربوون.

بە گوێرەی ئاماری پۆلیسى هاتوچۆى ئێران، تەنیا لە ساڵی 2025دا، 19 هەزار و 540 کەس گیانیان لە دەستداوە کە 15 هەزار و 660 کەسیان پیاو، سێ هەزار و 880 کەسیان ژن بوون.

زانیاریی زیاتر بۆ تۆ

لە سێ مانگدا لە سنە  2 هەزار و 250 کەس بە رووداوى هاتوچۆ برینداربوون