پوختەی هەواڵەکە

• سەرۆکی یەکێتیی نیشتمانیی کوردستان لە دەباشان پێشوازی لە  هاوسەرۆکی پارتی دەم کرد.
• بافڵ جەلال تاڵەبانی و تونجەر باکرهان باسیان لە پڕۆسەی ئاشتی لە تورکیا کردووە.

---

لە دیدارەکەدا کە شاناز ئیبراهیم ئەحمەد، د. یوسف گۆران، ئەندامانی مەکتەبی سیاسی، سالار لالە سەرحەد، لێپرسراوی بۆردی پەیوەندییە کوردستانییەکان ئامادەبوون، جەخت لە بەردەوامیی هەماهەنگی و هاریکاریی هاوبەش و بەهێزکردنی پەیوەندی نێوان هەردوولا لە چوارچێوەی پاراستنی بەرژەوەندییە باڵاکان کرایەوە، بەشێوەیەک ببێتە مایەی سەقامگیریی زیاتر لە ناوچەکەدا.

---

ناوەڕۆک و تەوەری کۆبوونەوەکە:

• پەیوەست بە پرۆسەی ئاشتی لە تورکیا، بیروڕا ئاڵوگۆڕ کرا و بافڵ جەلال تاڵەبانی پشتیوانیی یەکێتیی بۆ ئەم هەنگاوە مێژووییە دووپاتکردەوە.
• لەسەر هەمان سیاسەتی سەرۆک مام جەلال بەردەوام دەبین تاوەکو ئەم پرسە گرنگ و چارەنووسسازە سەربکەوێت.
• باوەڕمان وایە بە پێکەوەژیان و ئاشتی دەتوانین خزمەتی گەلەکەمان بکەین، چونکە لە شەڕ و دووبەرەکیدا جگە لە ماڵوێرانی هیچ بەدەست نایەت.
•  هیوادارم هەمووان لاپەڕەیەکی نوێ هەڵدەنەوە بەرەو ئاشتییەکی بەردەوام.

لە دیدارەکەدا، تونجەر باکرهان سوپاسی هەوڵەکانی بافڵ جەلال تاڵەبانی و یەکێتی کرد بۆ سەرخستنی پڕۆسەی ئاشتی و گوتی: "ئێمە بە رێزەوە لە ڕۆڵتان دەڕوانین و پێزانینمان هەیە بۆ هەنگاوەکانتان کە لە خزمەتی سەقامگیریی و پێکەوەژیانی ئاشتییانەدایە لە ناوچەکە.

زانیاریی زیاتر بۆ تۆ

تونجەر باکرهان: چاوەڕێبووین لەم مانگەدا گەڕانەوەی ئەندامانی پەکەکە دەستپێبکات