ئەمڕۆ دادگاییکردنی لاهور جەنگی و تۆمەتبارانى دیکە بەڕێوەدەچێت

پووختەى هەواڵەکە:

پێشتر لەبەردەم دادوەر دانیان بە تاوانەکانیاندا ناوە.
بە ماددەی 56ـی یاسای سزادانی عێراقی دادگایی دەکرێن.
لە دانیشتنی 17ـی ئەیلوول لاهوور جەنگی پەیوەندى نهێنى خۆى لەگەڵ ئەژى ئەمین ئاشکرا کرد.

زانیاریى ئەوە بە کەناڵ8 گەیشت، پێشنیوەڕۆی ئەمڕۆ لە دادگای 2ـی تاوانەکانی سلێمانی، دانیشتنێکی دیکەی دادگاییکردنی لاهوور جەنگی و تۆمەتبارانى دیکە بەڕێوەدەچێت.

زانیاریى لەبارەى دانیشتنەکەوە:

بڕیار بوو یەکی تشرینی یەکەم دادگاییەکە بەڕێوەبچێت.
بەهۆی پشووەوە بۆ کاتێکی نادیار دواخرا و دواتر لە 8ـی تشرینی یەکەمی 2026، دانیشتنێکی دیکە کرا.
تێیدا بەشێک لە تۆمەتبارەکان دانیان بە تاوانەکانیان ناوە، بۆ زیاتر لێکۆڵینەوەش لە بەڵگەکان دادوەر کۆبوونەوەى بۆ ئەمڕۆ 15ـى تشرینى یەکەم دواخست.
لاهور جەنگی و هاوڕێکانی بەگوێرەی ماددەی 56ـی یاسای سزادانی عێراقی دادگایی دەکرێن.
ئەم دانیشتنە بۆ وەرگرتنی گوتەی تۆمەتباران و پێداچوونەوەیە بە بەڵگە پێشکەشکراوەکان.
ماددەی 56 تایبەتە بەو کەسانەی لە پشت گرووپی تاوانکارییەوە بوون یان بە فەرمانی ئەوان تاوان کراوە بەبێ ئەوەی خۆیان بە شێوەیەکی ڕاستەوخۆ دەستڕێژییان لێکردبێت.

دادگاییەکانى پێشتر:

یەکەم دانیشتنی ئەم دۆسییەیە لە 12ـی کانوونی دووەمی 2026 بەڕێوەچوو، بەڵام بەهۆی ئاڵۆزیی دۆسییەکە و ژمارەی تۆمەتباران تاوەکو ئێستا بڕیاری کۆتایی لەسەر نەدراوە.

لە دانیشتنی ڕۆژی 17ـی ئەیلوولی 2026، لاهور جەنگی دانی بە پەیوەندی و دانیشتنەکانی لەگەڵ ئەژی ئەمین ناوە و ئاشکرای کرد، داوای چەکداری شارەزا و قەناس و دۆشکەی لێکردووە، لە هەمان کاتدا ئەندامێکی هێزەکەی ئەژی ئەمین بە فەرمی دانى بەوەداناوە کە ئامادەکاریان کردبوو بۆ بەکارهێنانى درۆنى خۆکوژ بۆ بە ئامانجگرتنى دەباشان.

زانیاریى زیاتر بۆ تۆ:

لاهوور جەنگی لە بەردەم دادوەر: "داوام لە ئەژی ئەمین کرد عەدەد قەناس و دۆشکەم بۆ بنێرێت"