پووختەى هەواڵەکە:

• شەپۆلە لاوازەکانى بارانبارین بۆ سەر هەرێمى کوردستان بەردەوامن.
• لە سەرەتاى پایزەوە نمە باران و هەورەبروسکە بەردەوامە.
• کەشناسەکان پێشبینى دەکەن ئاستى باران باش بێت.

---

بەرێوەبەرایەتیی گشتیی کەشناسی و بوومەلەرزەزانیی هەرێمی کوردستان ڕاپۆرتی کەشوهەوای 48 کاتژمێری داهاتووی بڵاوکردەوە و ڕایگەیاند، شەپۆلێکی بارانبارین لە بەشی ڕۆژئاوای هەرێمى کوردستانەوە دەست پێدەکات و پاشان زۆربەی ناوچەکان دەگرێتەوە.

---

پێشبینییەکان بۆ کەشی پێنجشەممە:

• ئاسمان لەنێوان نیمچەهەور بۆ هەوری تەواودا دەبێت.
• لە کاتەکانی دوای نیوەڕۆوە، سەرەتا لە سنووری پارێزگای دهۆک بارانبارین بە شێوەی نمەباران و بارانی مامناوەند دەست پێدەکات.
• دواتر بە شێوەی پچڕپچڕ لە ناوچەکانی دیکەش لە کاتی جیاجیادا دەبارێت.
• لە کاتەکانی شەودا، کاریگەریی بارانبارین لە ناوچەکانی باکوور و باکووری ڕۆژهەڵاتی هەرێمى کوردستان زیاتر دەبێت و ئەگەری دروستبوونی هەورەبرووسکە هەیە.

پێشبینییەکانی کەشی سبەی هەینی:

• ئاسمان بە گشتی بە هەوری تەواو دادەپۆشرێت.
•  بارانبارین لە زۆربەی ناوچەکان بە شێوەی پچڕپچڕی بەردەوام دەبێت و لە هەندێک کاتدا دەگۆڕێت بۆ تاوەباران و هەورەبرووسکە.
• لە کاتەکانی شەودا، کاریگەریی ئەم شەپۆلی بارانبارینە لاواز دەبێت.

زانیاریى زیاتر بۆ تۆ:

کەشناسێکى کورد: ئەمساڵ بڕی بارانبارین 60% زیاتر دەبێت