شەپۆلێکی بەهێزی با و باران هەولێری گرێتەوە؛ بەهۆیەوە چەندین ستوونی کارەبا کەوتوون
جەبار حسین 1 کاتژمێر پێش ئێستا
پووختەی هەواڵەکە
- وەزارەتى کارەبا دەڵێت، بەهۆی با و بارانەوە چه ندین ستوونی كارەبا لە هەولێر کەوتوون.
- شەوی ڕابردوو، شەپۆلێکی باو بۆران سنووری پارێزگای هه ولێری گرتەوە.
وەزارەتى کارەباى هەرێمى کوردستان ڕاگەیاند لە ڕاگەیێنراوێکدا ئاماژەى بەوەشکردووە، چەندین ستوونی پاڵەپەستۆی بەرز و نزمی کارەبا لە سنووری شارۆچکەى قووشتەپه كەوتنە خوارەوە و بووه هۆی پچڕانی كارەبای سنوورەکە.
کاریگەرییەکانی شەپۆلەکە
- تیمەكانی كارەبای قووشتەپه ، دەستیان بە چاککردنەوەی ستوونەکانی کارەبا کردووە، بۆ ئەوەی بە زووترین کات کارەبای سنوورەکە ئاسایی ببێتەوە.
- بەگوێرەى زانیارییەکانى کەناڵ8، بەهۆى بەهێزى باکەوە ژمارەیەکى زۆر لە دارى سنوورەکە شکاونەتەوە و بەشێک لە دانیشتووانى سنوورى قووشتەپەش زیان بەر ڕەزوو باخەکانیان کەوتووە.
- ژمارەیەک لە دانیشتووانى سنوورى قووشتەپه بە کەناڵ8ییان ڕاگەیاند ، تاوەکو ئێستا دۆخى کارەبا لە سنوورەکەیان ئاسایى نەبووەتەوە.
زانیاری زیاتر بۆ تۆ
جەبار حسین
1 کاتژمێر پێش ئێستا