پووختەى هەواڵەکە:

• ناکۆکییەکان لەبارەى زیادکردنى بەرهەمهێنانى نەوت بەردەوامن.
• بەغداد لە ڕەشنووسى بودجەدا داواى 400 هەزار بەرمیل نەوتى کردووە.
• هەناردەى نەوتى هەرێمى کوردستان لە دەوروبەرى 200 هەزار بەرمیلە لە ڕۆژێکدا.

---

ئەحمەد موفتى، بریکارى وەزارەتى سامانە سروشتییەکان بە کەناڵ8ـى گوت "ئەوەى لە بودجە داواکراوە بۆ زیادکردنى هەناردەى نەوتى هەرێمى کوردستان بۆ 400 هەزار بەرمیل، نە ئێستا و نە لە 2027، ناتوانین بەرهەم و هەناردە بۆ ئەو ئاستە زیاد بکەین".

---

ئەحمەد موفتى:

• لە هەرێمى کوردستان کۆمپانیاى نیشتمانیمان نییە بۆ بەرهەمهێنانى نەوت.
• بۆ زیادکردنى ئاستى بەرهەمهێنان پێویستە خەرجیى کۆمپانیا نەوتییەکان زیاد بکرێت.
• ئەوەى داواکراوە، ئەوەیە ڕاستەوخۆ ئاستى هەناردە بەرز بکرێتەوە بۆ 400 هەزار بەرمیل، ئەوەش ئاسان نییە.
•  ماوەى دوو ساڵە ئاستى بەرهەمهێنان کەمیکردووە.
• لەگەڵ دابینکردنى سەرجەم پێداویستییەکانیش پێویستمان بەکاتە بۆ بەرزکردنەوەى ئاستى بەرهەم.

ئەحمەد موفتى، بریکارى وەزارەتى سامانە سروشتییەکان لە کۆتایى لێدوانەکەیدا گوتیشى "ئەگەر هەرێمى کوردستان پابەند بکرێت بە بەرزکردنەوەى ئاستى بەرهەم و هەناردەى نەوت، پێویستە سەرەتا ماف و شایستەى کۆمپانیاکان دابینبکرێت، دڵنیایی ئەمنى و داراییان پێبدرێت".

زانیاریى زیاتر بۆ تۆ:

هەناردەى نەوتى هەرێمى کوردستان 180 بۆ 200 هەزار بەرمیلە لە ڕۆژێکدا
شاندى هەرێمى کوردستان چاوەڕوانى تەلەفۆنى فالح سارییە