پووختەى هەواڵەکە

• مەرسوومى کۆمارى بۆ دەستبەکاربوونى سێ جێگرەکەى عەلى زەیدى دەرکرا.
• مەرسوومى کۆمارى بۆ دەستبەکاربوونى 11 وەزیرى کابینەکەى زەیدى دەرکرا.
• مەرسوومەکان بە واژۆى نزار ئامێدى سەرۆککۆمارى عێراق دەرکراوە.

---

نزار ئامێدی سەرۆککۆماری عێراق مەرسوومێکی کۆماری دەرکردووە بۆ دەستبەکاربوونی 11 وەزیر و سێ جێگرەکەی سەرۆکوەزیران ئەوەش بەگوێرەی 76ـی دەستوور و لەسەر ڕەزامەندی ئەنجوومەنی نوێنەران بە زۆرینەی ڕەها بۆ پێدانی متمانە بە وەزیر و جێگرانی سەرۆکوەزیران.

---

ناوەڕۆکى مەرسوومەکە:

• سەرۆکوەزیرانی عێراق مەرسوومە کۆمارییەکە جێبەجێبکات.
• مەرسوومەکە لە ڕۆژی سوێندخواردنی یاساییەوە لەلایەن سێ جێگرەکە و 11 وەزیرەکە لە 15ـی تشرینی یەکەم جێبەجێ بکرێت و لە ڕۆژنامەی فەرمی بڵاوبکرێتەوە.
  
  ئەوە لە کاتێکدایە، لە دانیشتنی ئەنجوومەنی نوێنەران لە ڕۆژی 15ـی تشرینی یەکەمی 2026، بە ئامادەبوونى زیاتر لە 268 پەرلەمانتار، کابینە وەزارییەکەی عەلی زەیدی و هەڵبژاردن سێ جێگرەکەی سەرۆکوەزیرانی عێراق تەواوکرا جگە لە پۆستی وەزیرى کۆچ و کۆچبەران و بەربژێرى پارتى بۆ جێگرى چوارەمی سەرۆکوەزیرانى عێراق.
  
  لە دانیشتنەکەدا، هەریەک لە موحسین مەندەلاوى و لەیس خەزعەلى و محەممەد تەمیم دەنگیان پێدرا بۆ پۆستى جێگرانى سەرۆکوەزیران.

وەزیرەکانی دەنگیان پێدرا بریتین بوون لە:

• ڕێباز حەملان دەنگى پێدرا بۆ پۆستى وەزارەتى ئاوەدانکردنەوە.
• یاسر مالیکى دەنگى پێدرا بۆ پۆستى وەزارەتى ناوخۆ.
• نایف شەممەرى دەنگى پێدرا بۆ پۆستى وەزارەتى بەرگرى.
• سەفا کینانى دەنگى پێدرا بۆ پۆستى وەزارەتى وەرزش و لاوان.
• قوتەیبە غازى دەنگى پێدرا بۆ پۆستى وەزارەتى پلاندانان.
• حەیدەر بەها دەنگى پێدرا بۆ پۆستى وەزارەتى خوێندنى باڵا و توێژینەوەى زانستى.
• یاسین عیساوى دەنگى پێدرا بۆ پۆستى وەزارەتى ڕۆشنبیری.
• محەممەد موسەوى دەنگى پێدرا بۆ پۆستى وەزارەتى کار و کاروبارى کۆمەڵایەتى.
• محەممەد دەڕاجى دەنگى پێدرا بۆ پۆستى وەزارەتى ئابووری ژمارەکان.
• عەلى عەبدولهادى دەنگى پێدرا بۆ پۆستى وەزارەتى گەشتوگوزار
• محەممەد سەمعان دەنگى پێدرا بۆ پۆستى وەزارەتى دەوڵەت.

زانیاریی زیاتر بۆ تۆ

بەربژێری پارتی بۆ جێگری سەرۆکوەزیران دەنگی لەسەر نەدرا و دانیشتنەکە کۆتایی هات