پووختەى هەواڵەکە:

• بەهۆى داخرانى گەرووى هوورمزەوە هەناردەى نەوتى عێراق کەمیکرد بوو.
• وەزارەتى نەوت گەرووى هوورمز و دەروازەى دیکە بۆ هەناردەکردن بەکارهێناوە.
• بەرزبوونەوەى هەناردە کاریگەرى ڕاستەوخۆى لەسەر داهات دەبێت.
• 90%ـى داهاتى عێراق لە نەوتەوە سەرچاوە دەگرێت.

---

محەممەد باسم خزەیر، وەزیرى نەوتى عێراق ڕایگەیاند، تێکڕاى هەناردەى نەوت لەم مانگەدا لە هەر سێ دەروازەکە؛ گەرووى هوورمز، بەندەرى جەیهان و بە تانکەر لە ڕێگەى بەندەری بانیاسی سووریا، گەیشتووەتە زیاتر لە سێ ملیۆن و 400 هەزار بەرمیل لەڕۆژێکدا.

محەممەد باسم خزەیر:

• سەرەڕاى دۆخى جەنگ لە گەرووى هوورمز، توانیومانە لە مانگى ئەیلوولدا ڕۆژانە بە تێکڕاى سێ ملیۆن بەرمیل نەوت هەناردە بکەین.
• تێکڕاى هەناردەکردن لە سەرەتاى ئەم مانگەوە تاوەکو ئەمڕۆ بۆ سێ ملیۆن و 400 هەزار بەرمیل بەرزبووەتەوە.
• هەناردەکردنەکەش بۆ بازاڕەکانى ئاسیا و ئەورووپا و ئەمریکا بووە.
• هەوڵدەدەین تێکڕاى هەناردەکردنى نەوت زیاد بکەین لەپێناو بەدەستهێنانى داهاتى زیاتر بۆ خەزێنەى دەوڵەت.

عێراق کە نزیکەی 90%ـی داهاتەکەی لە فرۆشتنی نەوتەوە دەستدەکەوێت، پێش دەستپێکردنی جەنگى ئەمریکا و ئیسرائیل لەگەڵ ئێران لە 28ـی شوبات ڕۆژانە نزیکەی 4 ملیۆن بەرمیل نەوتی بەرهەمدەهێنا، هەروەها مانگانە بە تێکڕا 105 ملیۆن بەرمیل نەوتی هەناردە دەکرد، کە زۆرینەى لە بەندەرەکانى بەسرەوە و  لە ڕێگەی گەرووی هوورمزەوە بوو.

زانیاریى زیاتر بۆ تۆ:

وەزیرى نەوت: هەناردەى نەوت نیمچە ئاسایی بووەتەوە

هەناردەى نەوتى هەرێمى کوردستان 180 بۆ 200 هەزار بەرمیلە لە ڕۆژێکدا