لیژنەیەک بۆ لێکۆڵینەوە لە دۆسیەی دەستگیرکراوانی کەرکووک پێکهێنرا
پووختەی هەواڵ
- دەستەی دەستپاکی بەدواداچوون بۆ گەندەڵی لە کەرکووک دەکات و لیژنەی لێکۆڵینەوە پێکهێندرا.
- دەستگیرکراوانی گەندەڵی ناوی کەسانی دیکەی تێوەگلاویان ئاشکرا کردووە.
- لە 2 مانگی ڕابردوودا نزیکەی 40 فەرمانبەر بە تۆمەتی گەندەڵی دەستگیرکراون.
بەگوێرەی زانیاری کە بە کەناڵ8 گەیشتووە، لە کەرکووک لیژنەی لێکۆڵینەوە لە دۆسیەی ئەو کەسانە پێکهێندراوە کە لە ماوەی چەند ڕۆژی ڕابردوودا دەستگیرکرابوون، هەروەها دەستەی دەستپاکی عێراق بەدواداچوون دەکات بۆ ئەو کەسانەی فەرمانبەری حکومین لە پارێزگاکە و تێوەگلاون لە گەندەڵی، بڕیاریشە لە چەند ڕۆژی داهاتوودا لە ڕێگەی هەڵمەتەکانییەوە ئەو کەسانە دەستگیربکات و ڕووبەڕووی سزای یاساییان بکاتەوە.
دەستگیرکردنی فەرمانبەران و ئەفسەرانی تێوەگلاو لە گەندەڵی
- ژمارەیەک فەرمانبەری دەستگیرکراو ناوی کەسانی دیکەی تێوەگلاویان ئاشکرا کردووە.
- لە 2 ڕۆژدا 5 کارمەندی وەزارەتی ناوخۆ دەستگیرکران کە 4یان ئەفسەری پلەباڵان.
- 3 کارمەندی هاتوچۆی کەرکووک بە تۆمەتی وەرگرتنی بەرتیل دەستگیرکران.
دەستگیرکردنەکانی پێشوو لە فەرمانگەکانی کەرکووک
پێشتریش، بەڕێوەبەری بەشی کارپێکردن لە بەڕێوەبەراەیتیی سەرچاوەکانی ئاوی کەرکووک، بەڕێوەبەری نەخۆشخانەی ڤێتەرنەریی کەرکووک و بەڕێوەبەری پێشووی هۆبەی ڤێتەرنەریی شارەدێی شوان بە تۆمەتی گەندەڵی دەستگیرکرابوون.
زانیاریی لەسەر بابەتەکە
بەگوێرەی ئامارەکان، لە 2 مانگی ڕابردوودا، بە تۆمەتی تێوەگلان لە دۆسیەی گەندەڵی و وەرگرتنی بەرتیل لە کەرکووک، نزیکەی 40 فەرمانبەری دەوڵەت دەستگیرکراون کە لە ئەفسەر و بەڕێوەبەری فەرمانگەکانی شارەکە و هۆبەکان پێکهاتوون.
زانیاریی زیاتر بۆ تۆ
کەرکووک؛ لە کاتی دەستگیرکردنی تۆمەتبارێکی گەندەڵیدا ڕووبەڕووبوونەوە ڕوویدا
6 فەرمانبەری گومرگی نێوان کەرکووک و هەولێر بەتۆمەتی وەرگرتنی بەرتیل دەستگیرکران
3 کاتژمێر پێش ئێستا