لە تکریت منداڵێک لە دایکبوو یەک چاوى هەیە و لوتى نییە
پوختەى هەواڵەکە
- لە تکریت منداڵێک لە دایکبوو یەک چاوى هەیە و لوتى نییە
- منداڵێک لە دایکبووە سەری لە لاشەى گەورەترە
- لە ماوەى 24 کاتژمێردا دوو منداڵ بە حاڵەتى دەگمەن لەدایکبوون
- لە ماوەى مانگێکدا پێنج منداڵى کەمئەندام و جەستە شێواو لەدایکبوون
- وەزارەتى تەندروستى لیژنەیەک بۆ لێکۆڵینەوە لە حاڵەتەکان دەنێرێتە تکریت
- ترس و نیگەرانى دروستکردووە، بڕیارە لیژنەیەک لێکۆڵینەوە بکات.
پزیشکانى بەشى نابەکامەکان لە نەخۆشخانەى فێرکاریی تکریت سەر بە پارێزگاى سەڵاحەدین ڕایانگەیاندووە، لە ماوەى24 کاتژمێردا دوو حاڵەتى لە دایکبوونى منداڵ بە حاڵەتى دەگمەن و نائاسایی تۆمارکراوە، کە شێواوى لە پەلەکان و جەستەیاندا هەیە، بە جۆرێک یەکێک لە منداڵەکان یەک چاوى هەیە و لە ناوەڕاستى ناوچەوانیدایە و لوتى نییە.
پێنج حاڵەت لە یەک مانگدا
- لە تکریت لە ماوەى مانگێکدا پێنج حاڵەتى لە دایکبوونى منداڵى دەگمەن و نائاسایی تۆمارکراون.
- دووان لەو منداڵانە دوای چەند کاتژمێرێک لە لەدایکبوونیان گیانیان لەدەستداوە.
- دوو منداڵی دیکەش کە یەکێکیان قەبارەی سەری لە لەشی گەورەترە و تووشی چەماوەیی بووە تاوەکو ئێستا لە ژیاندا ماون و لە ژێر چاودێری وردی پزیشکیدان.
- فەرمانگەى تەندروستیی سەڵاحەدین، ترس و نیگەرانى لە زیادبوونى حاڵەتەکان هەیە
- نووسراوێکى بەپەلە ئاڕاستەى وەزارەتى تەندروستى کراوە تاوەکو لیژنەیەکى پسپۆڕ و تایبەتمەند بنرێتە شارەکە بۆ لێکۆڵینەوەى زیادبوونى حاڵەتەکانى لە دایکبوونى منداڵى شێواو و ناتەندروست.
وەڵامى وەزارەتى تەندروستى عێراق
وەزارەتى تەندروستیش دەستبەجێ وەڵامى نووسراوەکەى داوەتەوە بڕیاریداوە هەفتەى داهاتوو لیژنەیەک لە پزیشکانى پسپۆڕ و تایبەتمەند بنرێتە شارەکە و لێکۆڵینەوە لە حاڵەتەکانى لە دایکبوونى منداڵى ناتەواو بکەن.
بۆچوونى پسپۆڕان و پزیشکان
پزیشکان و شارەزایان، هۆکارى زیادبوونى حاڵەتەکانى لە دایکبوونى منداڵى کەمئەندام و شێواو بۆ چەند هۆکارێک دەگەڕێننەوە، لەوانە پەیوەندی خێزانی و هاوسەرگیری ئامۆزاکان، کاریگەریی جەنگ و گۆڕانکارییەکانى ژینگە لەسەر تەندروستى.
زانیارى زیاتر بۆ تۆ
https://channel8.com/kurdish/news/66311
1 کاتژمێر پێش ئێستا