ژووری بازرگانیی سلێمانی بڕیاری لێخۆشبوونى بۆ بازرگانان و پیشەسازان دەرکرد
پووختەی هەواڵ
- لێخۆشبوون بۆ ئەو ئەندامانەی پێناسیان نوێ نەکردووەتەوە یان قەرزارن
- تەنها پارەی ساڵیان لێوەردەگیرێت و پێناسەکانیان بۆ نوێدەکرێتەوە
ژووری بازرگانی و پیشەسازیی سلێمانی، بڕیاری لێخۆشبوونى بۆ سەرجەم بازرگانان و پیشەسازانى سنوورى پارێزگا دەرکرد و بڕیاریدا، هەموو ئەو ئەندامانەی پێناسەکانیان ماوەیەکی زۆرە نوێ نەکراوەتەوە یان قەرزدارن، تەنیا پارەی دوو ساڵیان لێوەردەگیرێت و پێناسەکانیان بۆ نوێدەکرێتەوە.
ماوەی لێخۆشبوونەکە
بەگوێرەى ڕێنماییەکی ژووری بازرگانی و پیشەسازیی سلێمانی، لێخۆشبوون بۆ قەرزەکانی پێشووی بازرگانان و پیشەسازان دەکرێت و ئەو بڕیارەش تاوەکو تشرینى دووەمى ئەمساڵ بەردەوام دەبێت.
پێداویستی نوێکردنەوەی پێناسەکان
بەگوێرەى ڕێنماییەکە، نوێکردنەوەی پێناسی بارزگانی پێویستى بە کۆپی ڕەنگاوڕەنگی کارتی نیشتیمانی و کارتی زانیاری، پاسپۆرت و دوو وێنە هەیە.
زانیاری زیاتر بۆ تۆ
بۆ بازرگانان و کۆمپانیاکان؛ ژووری بازرگانی سلێمانی بڕیاری لێخۆشبوونی لە قەرزە کەڵەکەبووەکان ڕاگەیاند
قوباد تاڵەبانی: رێگەنادەین هیچ کەسێک کێشە بۆ بازرگان و وەبەرهێنەران دروست بکات
3 کاتژمێر پێش ئێستا