لە تورکیا فڕۆکەیەکی ئێف-16 کەوتەخوارەوە
عەدنان ئەحمەد 1 کاتژمێر پێش ئێستا
پووختەی هەواڵەکە
- فڕۆکەوانەکەی توانیوویەتی خۆی ڕزگار بکات
- فرۆکەکە لە کاتی ڕاهێناندا بووە
لە تورکیا فڕۆکەیەکی جۆری ئێف-16 کەوتەخوارەوە و وەزارەتی بەرگریی تورکیاش دەڵێت، فڕۆکەوانەکە توانیویەتی خۆی ڕزگار بکات.
وەزارەتی بەرگریی تورکیا ڕایگەیاند، لە سنووری شاری یاڵۆڤا، فڕۆکەیەکی ئێف-16 لە کاتی ڕاهێناندا، کەوتووەتە خوارەوە و تێکشکاوە.
فڕۆکەوانەکە بە پەڕەشووت خۆی ڕزگار کردووە
بەگوێرەی ڕاگەێنراوەکەی وەزارەتی بەرگریی تورکیا، فڕۆکەوانەکە پێش تێکشکانی فڕۆکەکە و تەقینەوەی، خۆی فڕێداوە و بە پەڕەشووتەکەی خۆی ڕزگار کردووە.
لێکۆڵینەوە لە ڕووداوەکە دەستیپێکردووە
وەزارەتی بەرگریی تورکیا ئاماژەی بەوەش کردووە، لێکۆڵینەوەکان لەبارەی هۆکاری ڕووداوەکە و تێکشکانی فڕۆکەکە دەستیپێکردووە.
زانیاری زیاتر بۆ تۆ
عەدنان ئەحمەد
1 کاتژمێر پێش ئێستا