ئامەدسپۆر یەکەم یاری خۆی لە خولی نایابی تورکی دەکات
عەدنان ئەحمەد 1 کاتژمێر پێش ئێستا
پوختەى هەواڵەکە
- ئەمڕۆ خولی نایابی تورکیا دەستپێدەکات.
- ئامەدسپۆر یەکەم یاری خۆی لە خولی نایابی تورکی دەکات.
- ئامەدسپۆر ئەمساڵ میوانداری یانە گەورەکانی تورکیا دەکات.
- لە یەکەم یارى ئامەدسپۆر میوانداری ئەرزڕوومسپۆری باکووری کوردستان دەکات
- ئامەدسپۆر چاوی لەوەیە لە خولەکەدا بمێنێتەوە، کە یەکەم جارە سەرکەوتووە بۆ ئەو خولە.
بەگوێرەى ئەو زانیارییەى گەیشتووە بە کەناڵ8، ئەمڕۆ هەینی، 14ـى ئابى 2026، بە یاری نێوان گاڵاتاسارای و چۆروم، خولی نایابی تورکیا دەستپێدەکات و 34 هەفتە بەردەوام دەبێت.
یانەى ئامەسپۆر
- یانەی ئامەدسپۆر کە بووە بە سیمبولی وەرزشیی کورد.
- ئەمساڵ بۆ یەکەم جارە لە مێژووی خۆیدا، لە خولی نایابی تورکیا یاری دەکات.
- یانەی ئامەدسپۆر لە یەکەم یاریدا، ڕۆژی یەکشەممە کاتژمێر 9:30ـى شەو، لە یاریگای خۆی میوانداریی یانەی ئەرزڕوومسپۆر دەکات.
- بڕیارە مستەفا چیفتچی، وەزیری ناوخۆی تورکیا و عوسمان ئاشکن باک، وەزیری گەنجان و وەرزش، بۆ ئامادەبوون لە یارییەکە، بچنە ئامەد.
- ئامەدسپۆ هەفتەی سێیەم میوانداریی ترابزۆن سپۆر دەکات.
- سێ هەفتە دواتر میوانداریی بەشیکتاش دەکات.
- هەفتەی 11ـەم دەبێتە میوانی گاڵاتاسارای و هەفتەی 17ـەم دەبێتە میونای فەنەرباخچە.
ئەوە لە کاتێکدایە، ڕۆژی پێنجشەممەش، شاندی یانەی ئامەدسپۆر لە کۆشکی سەرۆکایەتیی کۆمار لە ئەنقەرە، چاویان بە ڕەجەب تەیب ئەردۆغان، سەرۆککۆماری تورکیا، کەوت و شاندەکە درێسێکی یانەکەیان پێشکەشی ئەردۆغان کرد.
ئامانجی ئامەدسپۆر ئەوەیە ئاستێکی بەرز لە خولەکەدا پێشکەش بکات و لانی کەم هەوڵ دەدات لە خولەکەدا بمێنێتەوە و دانەبەزێتەوە بۆ خولی پلە یەک.
خولی نایابی تورکیا تاکە دەرفەتی ئامەدسپۆرە بۆ ئەوەی بگاتە خولی یانە پاڵەوانەکانی ئەورووپا و خولی ئەورووپی.
زانیارى زیاتر بۆ تۆ
https://channel8.com/kurdish/news/203059
عەدنان ئەحمەد
1 کاتژمێر پێش ئێستا