پووختەی هەواڵەکە:

• سەرۆککۆماری تورکیا یاسایەکی نوێی بۆ مامەڵەکردن لەگەڵ ئەندامانی پەکەکە دوای چەکدانان بە فەرمی واژۆ کرد.

• یاساکە لە 12 ماددە پێکهاتووە و چوارچێوەیەک بۆ دواخستنی دادگاییکردن و سزای زیندانی دیاری دەکات.

• جێبەجێکردنی یاساکە بە مەرجی بڕیاری ئەنجوومەنی ئاسایشی نیشتمانیی تورکیا بۆ پشتڕاستکردنەوەی چەکدانان دەبێت.

• پەرلەمانتارانی پارتە جیاوازەکان بە زۆرینەی دەنگی 467 ئەندام یاسای پشتیوانیی نیشتمانییان پەسند کردووە.

---

سەرۆککۆماری تورکیا، لە هەژماری خۆی لە تۆڕە کۆمەڵایەتییەکان رایگەیاند ئاماژە بەوە دەکەن کە پڕۆسەی ئاشتی لە تورکیا چووە قۆناغێکی یاسایییەوە؛ ئەردۆغان بە فەرمی یاسای ژمارە 7595ی واژۆ کرد کە ڕێگە دەدات بە مەرجی چەکدانانی پەکەکە، سزای زیندانی و دادگاییکردنی ئەندامانی ئەو ڕێکخراوە بۆ ماوەی پێنج بۆ دە ساڵ دوابخرێت.

---

سەرۆکایەتیی کۆمار و پەرلەمان:

• ڕەجەب تەیب ئەردۆغان سوپاسی دەوڵەت باخچەلی و لایەنە سیاسییەکانی کرد بۆ هەڵوێستە بنیاتنەرەکەیان لە پەسندکردنی یاساکەدا.

• سەرۆککۆماری تورکیا جەختی کردەوە کە یاساکە بە ڕەچاوکردنی هەستیاریی کەسوکاری شەهیدان و بۆ داهاتوویەکی ئارام جێبەجێ دەکرێت.

• نوعمان کورتوڵموش و گرووپی ئاکپارتی وەک لایەنی سەرەکیی پشتیوان لە سەرخستنی پڕۆسەکەدا ناویان هێنراوە.

دامەزراوە ئەمنی و یاسایییەکان:

ئەنجوومەنی ئاسایشی نیشتمانیی تورکیا بەرپرسە لە پشتڕاستکردنەوەی فەرمیی چەکدانانی پەکەکە پێش ئەوەی یاساکە کاری پێبکرێت. هەروەها دەستەیەکی باڵا بە سەرۆکایەتیی جێگری سەرۆککۆمار و وەزیرە پەیوەندیدارەکان چاودێریی جێبەجێکردنی خاڵەکان دەکەن و ڕاپۆرتی خولیی بۆ پەرلەمان بەرز دەکەنەوە.

زانیاریی زیاتر لەسەر یاساکە:

بەپێی دەقی یاساکە کە لە ڕۆژنامەی فەرمیدا بڵاوکراوەتەوە، ئەو کەسانەی دەیانەوێت سوودمەند بن، دەبێت لە ماوەی شەش مانگدا دوای بڕیارەکەی ئەنجوومەنی ئاسایشی نیشتمانی، داواکاری پێشکەش بکەن. یاساکە کوشتنی بەئەنقەست ناگرێتەوە و ئەگەر هەر سوودمەندبووێک لە ماوەی دیاریکراودا تاوانێکی تیرۆریستی بکات، بڕیاری دواخستنی سزاکەی هەڵدەوەشێتەوە.

زانیاری زیاتر بۆ تۆ

باکرهان: 4 هەزار زیندانی لە یاسای چوارچێوە سوودمەند دەبن

دەمیرتاش پەیامێک لەبارەی یاسای چوارچێوە ئاڕاستەی پەرلەمان دەکات

لیژنەی داد لە پەرلەمانی تورکیا پرۆژەیاسای چوارچێوەی پەسەند کرد