تورکیا بۆ ئیسرائیل: کۆمەڵکوژی ناسنامەی سەرۆکوەزیرانەکەتانە
پووختەی هەواڵەکە:
- تورکیا وەڵامی ئیسرائیلی دایە و دەڵێت کۆمەڵکوژی ناسنامەی نەتانیاهوو خۆیەتی
- عومەر چەلیک :ئەو دەستەواژانەی پێویست بوو بۆ نەتانیاهوو بەکاربهێنرێن، بەرامبەر بە ئەردۆغان بەکاریانهێناوە
- عومەر چەلیک :کوشتن و تاوانی دژی مرۆڤایەتی بوونەتە ناسنامەی نەتانیاهوو
تورکیا وەڵامی ئیسرائیلی دایەوە کە ڕایگەیاندبوو، ئەردۆغان دیکتاتۆرە و کوردی کۆمەڵکوژ کردووە، دەڵێت: "کۆمەڵکوژی و تاوان ناسنامەی نەتانیاهوو خۆیەتی".
گوتەبێژی ئاکپارتی وەڵامی سەرۆکوەزیرانی ئیسرائیلی دایە
عومەر چەلیک، گوتەبێژی پارتی داد و گەشەپێدان (ئاکپارتی) بە سەرۆکایەتیی ڕەجەب تەیب ئەردۆغان، لە هەژماری خۆی لە پلاتفۆرمی ئێکس، وەڵامی ڕاگەیێنراوێکی نووسینگەی سەرۆکوەزیرانی ئیسرائیلی دایەوە و دەڵێت: "ئەو دەستەواژانەی پێویست بوو بۆ نەتانیاهوو بەکاربهێنرێن، بەرامبەر بە ئەردۆغان بەکاریانهێناوە".
بە گوتەی چەلیک، هۆکاری ئەوەی "دارودەستەکەی" نەتانیاهوو شەو و ڕۆژ ئەردۆغان دەکەنە ئامانج، ئەوەیە کە سەرۆککۆماری تورکیا هەڵوێستێکی لەپێناو مرۆڤایەتییدا نوواندووە کە "سازشی تێدا نییە بەرامبەر بە سەرجەم کۆمەڵکوژی و درۆکانی ئەم تۆڕە تاوانکارییە".
ڕەتکردنەوەی تۆمەتەکان دژی ئەردۆغان
گوتەبێژەکەی ئاکپارتی، سەرجەم ئەو تۆمەتانەی ئاڕاستەی ئەردۆغان کرابوون، دەداتەوە پاڵ نەتانیاهو و دەڵێت: "کۆمەڵکوژی، تاوان، درۆ، کوشتن و تاوانی دژی مرۆڤایەتی بوونەتە ناسنامەی نەتانیاهوو".
هێرشە توندەکانی نووسینگەی نەتانیاهوو لە دژی ئەردۆغان
لە ڕاگەیێنراوێکدا نووسینگەی نەتانیاهوو هێرشی تووندی کردبووە سەر ڕەجەب تەیب ئەردۆغان، سەرۆککۆماری تورکیا و ڕایگەیاندبوو: "ئەردۆغان دیکتاتۆرێکی دژەجووە، کوردی کۆمەڵکوژ کردووە، تیرۆریستانی حەماسی داڵدەداوە و نیوەی قوبرسی داگیرکردووە".
زانیاری زیاتر بۆ تۆ
ئیسرائیل وەڵامی تورکیاى لەبارەى یاداشتی دەستگیرکردنی نەتانیاهوو دایەوە
ئیسرائیل بۆ سووریا: جێگیرکردنی هێزی تورکیا لە وڵاتەکەتان مەترسییە بۆ سەر ئێمە
تۆم باراک: کار بۆ ڕێگریکردن لە پێکدادانی ئیسرائیل و تورکیا دەکەین
2 کاتژمێر پێش ئێستا