ڕاپرسییەک: 45.5%ـی خەڵکی تورکیا پشتیوانی لە یاسای پڕۆسەی ئاشتی ناکەن

پووختەى هەواڵەکە

بە گوێرەی ڕاپرسییەک، نزیکەی نیوەی خەڵکی تورکیا پشتیوانیی لە یاسای پڕۆسەی ئاشتی ناکەن.
زۆربەی ئەوانەشی دژی یاساکەن، ئەندام و لایەنگرانی ئیی پارتین.
ڕاپرسییەک: 45.5%ـی خەڵکی تورکیا پشتیوانی لە یاسای پڕۆسەی ئاشتی ناکەن
ڕاپرسییەک: %42.7ـی خەڵکی تورکیا پشتیوانی لە یاسای پڕۆسەی ئاشتی دەکەن

ڕاپرسییەکى ناوەندی ئاریا لە باکووری کوردستان و تورکیا دەست کەناڵ8 کەوتووە و تیایدا دوو هەزار و27 کەس بەشدارییان تێدا کردووە.

%45.5ـی بەشدارابووانی ڕاپرسییەکە، پشتیوانی لە یاسای پڕۆسەی ئاشتی ناکەن، کە 10ـی ئەم مانگە بە دەنگی 467 پەرلەمانتاری تورکیا پەسەند کرا.
%83.8ـی لایەنگرانی ئیی پارتی دژی یاسای پڕۆسەکەن.
%14.9ـی دەنگدەر و لایەنگرانی پارتی دەم، پشتیوانیی لە یاساکە ناکەن.
ئەوانەی دژی یاساکەن، %21.4ـیان دەڵێن، دانوستان لەگەڵ تیرۆردا ناکرێت.
%12.2ـیان متمانەیان بە پڕۆسەکە نییە.
%8.2ـشیان دەڵێن، نابێت عەبدوڵا ئۆجەلان ئازاد بکرێت.
2.8%ـی بەشداربووانی ڕاپرسییەکەش، یاساکە بە ناپاکی نیشتیمانی ناودەبەن.
%42.7ـی بەشداربووانی ڕاپرسییەکە دەڵێن، پشتیوانی لە یاسای پڕۆسەکە دەکەن.

%30.2: بەم یاسایە تیرۆر کۆتایی دێت.
%16.1ـیشیان هۆکاری پشتیوانیکردنیان بۆ یاساکە بۆ ئەوە دەگەڕێننەوە کە وەک خۆیان دەڵێن؛ یاساکە "دۆخی ئاشتی و ئارامی دروستدەکات."