پووختەى هەواڵەکە

1. پاشای نەرویج لە تەمەنی 89 ساڵیدا کۆچی دوایی کرد.
2. بەتەمەنترین پاشای فەرمانڕەوای ئەورووپا بوو.
3. هاکۆنی کوڕی کە شازادەی جێنشینە، لە تەمەنی 53 ساڵیدا، شوێنی دەگرێتەوە.

---

کۆشکی شاهانەی نەرویج، لە ڕاگەیێنراوێکدا بڵاویکردەوە: "بە خەمێکی زۆر قووڵەوە ماڵئاوایی لە پاشا هاراڵد ڕادەگەیێنین، پاشا هاراڵد ڕۆژی هەینی، 28ـی ئاب، کاتژمێر 6:35ـی بەیانی بە کاتی ناوخۆی وڵاتەکە، لە نەخۆشخانەی زانکۆی ئۆسلۆ کۆچی دوایی کرد.

---

دواى ڕاگەیاندنى مردنى پاشا

• ئاڵاکان لە سەرتاسەری وڵاتدا بۆ نیوەی ستوونەکانیان دابەزێنران.
• هاوڵاتییان دەستە دەستە چوونەتە بەردەم کۆشکى شاهانە.
• هاوڵاتییانى نەرویج چەپکە گوڵیان بردووەتە بەردەم کۆشکى شاهانەى نەرویج.
  
  ئەوە لە کاتێکدایە، پاشا هاراڵد کە لە ساڵی 1991ـەوە پاشای نەرویجە، لە 17ـی ئابەوە، بەهۆی جۆرێکی تایبەت و مەترسیدار لە کەمخوێنی بە ناوی "هیمۆلیتیک ئەنیمیا"، لە نەخۆشخانەیەکی ئۆسلۆى پایتەخت مایەوە.
  
  ڕۆژی پێنجشەممە، کۆشکی شاهانە ڕایگەیاند، تەندروستیی هاراڵد تێکچووە و لە دۆخێکی "زۆر مەترسیدار"دایە و دواى ڕۆژێک و 35 ساڵ لە پاشایەتى، هاراڵد کۆچى دوایی کرد.

زانیارى زیاتر بۆ تۆ

نەرویج پێبژاردن لەو کەشتییانە وەردەگرێت کە ورچی جەمسەری بەخەبەر دەهێنن

جەنگی شاراوەی ژێر سەهۆڵ؛ ململانێی زلهێزەکان لە جەمسەری باکوور