پووختەی هەواڵەکە

• بەپێی ئامارەکانی کۆمەڵەی پەنابەرە گەڕاوەکانی ئەورووپا، ڕێژەی کۆچی هاونیشتمانیانی هەرێمی کوردستان و ناوچە دابڕێندراوەکان بۆ وڵاتانی ئەورووپا بەراورد بە ساڵانی ڕابردوو کەمبووەتەوە.

• لە ساڵی 2025دا نزیکەی 8 هەزار و 468 کەس هەوڵی کۆچیان داوە و لەو ژمارەیەش کەمتر لە نیوەیان توانیویانە بگەنە شوێنی مەبەست لە وڵاتانی جیاوازی ئەورووپادا.

• توندکردنەوەی ڕێکارە یاساییەکانی یەکێتی ئەورووپا و ڕێککەوتنە دیپلۆماسییەکانی عێراق لەگەڵ وڵاتانی بەریتانیا و یەکێتییەکە، بووەتە هۆکارێکی سەرەکی بۆ قورسبوونی پرۆسەی وەرگرتنی مافی مانەوە.

---

بەگوێرەی زانیارییەک، کە بە کەناڵ8 گەیشتووە، لەسەرەتای ئەمساڵەوە نزیکەی 6 هەزار و 700 کەس لە هەرێم و ناوچە دابڕێندراوەکانەوە هەوڵی کۆچیان داوە، بەڵام تەنیا 4 هەزار کەسیان گەیشتوونەتە وڵاتانی ئەورووپا. هۆکاری کەمبوونەوەی کۆچ بۆ قورسیی ڕێگە و قورسبوونی وەرگرتنی مافی پەنابەری و ڕێککەوتنی نێوان وڵاتان بۆ ڕێگریکردن لە کۆچی نایاسایی دەگەڕێتەوە

---

ئامارەکانی کۆچ لە ساڵی 2025 و ئەمساڵدا

• لە ساڵی 2025دا کۆی گشتی 8 هەزار و 468 کەس هەوڵی گەیشتن بە ئەورووپایان داوە.

• لە کۆی ئەو ژمارەیەی هەوڵی کۆچیان دابوو، تەنیا 3 هەزار و 678 کەس گەیشتوونەتە وڵاتانی ئەورووپا.

• لە ماوەی ئەمساڵدا تاوەکو ئێستا 6 هەزار و 700 کەس هەوڵی کۆچکردنیان بۆ ئەورووپا داوە.

• تەنیا 4 هەزار کەس لەوانەی ئەمساڵ هەوڵیان داوە توانیویانە بگەنە ناو خاکی وڵاتانی ئەورووپا.

هۆکارەکانی کەمبوونەوەی ڕێژەی کۆچ

توندکردنەوەی ڕێکارەکانی یەکێتی ئەورووپا و ڕێککەوتنەکانی عێراق لەگەڵ ئەو وڵاتانە، وایکردووە پێدانی مافی مانەوە زۆر سەخت بێت و ئەمەش کاریگەریی ڕاستەوخۆی لەسەر کەمبوونەوەی کۆچ هەبووە. هەروەها عێراق ڕێککەوتنێکی تایبەتی لەگەڵ بەریتانیا هەیە بۆ وەرگرتنەوەی ئەو هاوڵاتیانەی کە لەو وڵاتە تاوانیان ئەنجامداوە، ئەمەش وایکردووە کۆچبەران بە وریاییەکی زیاترەوە هەوڵی گەیشتن بەو وڵاتە بدەن.

زانیاریی زیاتر بۆ تۆ

دیپۆرتکردنەوەی پەنابەران لە ئەڵمانیاوە بۆ بەغداد دەستیپێکردەوە

پێشڕەو عەبدوڵا: چارەنووسی 15کۆچبەری کورد لە لیبیا نادیارە

دوای 13 ساڵ گۆڕانکاری کرا و پەیمانیی نوێی کۆچ و پەنابەری لە ئەورووپا دەچێتە بواری جێبەجێکردنەوە

کۆمەڵەی پەنابەرە گەڕاوەکان: لە 5 مانگی ڕابردوودا نزیکەی 900 گەنجی دەڤەری ڕاپەڕین کۆچیان کردووە