لە دهۆک کادرێکی لقی یەکی پارتی لەلایەن گروپێکی چەکدارەوە دەفڕێنرێت
پووختەی هەواڵەکە:
- هاونیشتمانییەکە دواى ڕفاندنى ئەشکەنجەیەکى زۆر دراوە و لە چۆڵەوانی جێهێڵراوە.
- کەسوکارەکەشى دەڵێن: کێشەیان لەگەڵ هیچ کەسێکدا نییە و سکاڵایان تۆمارکردووە.
- گروپێکی چەکدار و دەمامکدار ئۆتۆمبێلی کادرێکی لقی یەکی پارتی دیموکراتی کوردستانیان ڕاگرتووە و هێرشیان کردووەتەسەرى.
لە دهۆک کادرێکی لقی یەکی پارتی دیموکراتى کوردستان لەلایەن گروپێکی چەکدارەوە دەفڕێنرێت و دواى ئەشکەنجەیەکى زۆر لە چۆڵەوانی جێهێڵدەهێڵرێت، کەسوکارەکەشى دەڵێن: کێشەیان لەگەڵ هیچ کەسێکدا نییە و سکاڵایان تۆمارکردووە.
هێرشی گروپێکی دەمامکدار بۆسەر کادرێکی پارتی
بەیانی ئەمڕۆ کاتژمێر 9:00 لە گەڕەکی زرکای شاری دهۆک، گروپێکی چەکدار و دەمامکدار ئۆتۆمبێلی کادرێکی لقی یەکی پارتی دیموکراتی کوردستانیان ڕاگرتووە و هێرشیان کردووەتەسەرى.
چەکدارەکان بە ناوی هێزێکی فەرمییەوە قسەیان لەگەڵ کردووە
- کادرەکەی پارتی بە زەبری چەک و بە چاوبەستراوی ڕفاندوویانە بۆ دیوەخانی یەکێک لە ئاغایەکانی دهۆک لە دەرەوەی شار.
- پاش هەڕەشە و چاوسوورکردنەوە و ئەشکەنجەدانێکی زۆر لە چۆڵەوانییەکی دەوروبەری دهۆک بەجێیان هێشتووە.
- کوڕەکەی دەڵێت، باوکى ئەشکەنجەیەکى زۆر دراوە و تەندروستى ناجێگیرە و لە نەخۆشخانە لەژێرچاودێریدایە.
چەکدارەکان سەرەتا بە ناوی هێزێکی فەرمییەوە قسەیان لەگەڵ کردووە بەڵام دواتر بە زەبری چەک و بە چاوبەستراوی ڕفاندوویانە بۆ دیوەخانی یەکێک لە ئاغایەکانی دهۆک لە دەرەوەی شار، پاش هەڕەشە و چاوسوورکردنەوە و ئەشکەنجەدانێکی زۆر لە چۆڵەوانییەکی دەوروبەری دهۆک بەجێیان هێشتووە.
دواتر هاونیشتمانییەکە پەیوەندی بە کوڕەکەیەوە کردووە بۆ ئەوەى بەهانایەوە بچێت و بیگەیێنێتە نەخۆشخانە بە مەبەستی وەرگرتنی چارەسەری پزیشکی.
کوڕەکەی دەڵێت باوکی ئەشکەنجەیەکی زۆر دراوە
کوڕەکەی دەڵێت، باوکى ئەشکەنجەیەکى زۆر دراوە و تەندروستى ناجێگیرە و لە نەخۆشخانە لەژێرچاودێریدایە.
سکاڵایان تۆمارکردووە
گوتیشى، هیچ کێشەیەکی کۆمەڵایەتییان لەگەڵ هیچ لایەنێکدا نییە و سکاڵایان تۆمارکردووە، داواش لە لایەنە پەیوەندیدارەکان دەکات لێکۆڵینەوە لە ڕووداوەکە بکەن و ئەنجامدەرانی سزا بدەن.
ئەو هاونیشتمانییە هۆشداریش دەدات لە خراپى دۆخى ئەمنیى شارەکە و دەڵێن: هیچ کەسێک لە گیانى خۆى دڵنیایە نییە.
زانیاری زیاتر بۆ تۆ
لە نەخۆشخانەى فریاکەوتنى ئازادیى دهۆک کار بەئامێرەکانى فێننکەرەوە ناکرێت
جیاکاریی وەزارەتی ناوخۆ لە نێوان هاتوچۆی سلێمانی و هەولێر و دهۆک
1 کاتژمێر پێش ئێستا