پووختەی هەواڵەکە

• کۆمیسیۆنی باڵای سەربەخۆی هەڵبژاردنەکانی عێراق نەزاکەت حسێن دەکاتە پەرلەمانتار لە شوێنی ئەشواق جاف.

• دەستەی کۆمیسیاران لە بڕیارێکدا ڕایگەیاند نەزاکەت حسێن بە 268 دەنگ دەچێتە ئەنجوومەنی نوێنەرانی عێراق.

• گۆڕانکارییەکە لەبەر ئەوەیە کە ئەشواق جاف کاندیدکراوە بۆ وەرگرتنی پۆستی باڵیۆزی عێراق لە وڵاتێک.

---

بەگوێرەی زانیارییەک، کە بە کەناڵ8 گەیشتووە، کۆمیسیۆنی باڵای سەربەخۆی هەڵبژاردنەکانی عێراق بڕیاریداوە نەزاکەت حسێن، بەربژێری پارتی دیموکراتی کوردستان، بخاتە شوێنی د. ئەشواق نەجمەدین جاف و ناوبراو وەک ئەندامی ئەنجوومەنی نوێنەرانی عێراق دەستبەکار بێت.

---

بڕیاری کۆمیسیۆن و ڕوانگەی بەربژێرەکە

• دەستەی کۆمیسیاران لە کۆمیسیۆنی باڵای سەربەخۆی هەڵبژاردنەکانی عێراق لە 1ـی ئەیلولی 2026 بڕیاری گۆڕانکارییەکەی داوە.

• نەزاکەت حسێن حەمە سەعید لە شوێنی ئەشواق نەجمەدین عەباس دەبێتە ئەندامی ئەنجوومەنی نوێنەران لە فراکسیۆنی پارتی.

• نەزاکەت حسێن لە لیستی پارتی دیموکراتی کوردستان لە ڕیزبەندی ژمارە 33دا بووە و بە 268 دەنگ دەچێتە ئەنجوومەنەکە.

• نەزاکەت حسێن بە کەناڵ8ـی ڕاگەیاند کە هۆکاری گۆڕانکارییەکە بۆ کاندیدبوونی ئەشواق جاف دەگەڕێتەوە بۆ بوون بە باڵیۆزی عێراق لە وڵاتێک.

زانیاریی زیاتر لەسەر بابەتەکە

پارتی دیموکراتی کوردستان لە هەڵبژاردنی خولی شەشەمی ئەنجوومەنی نوێنەرانی عێراق لە ساڵی ڕابردوو 27 کورسیی ئەنجوومەنەکەی بەدەستهێناوە. لە حکومەتی نوێی عێراق بە سەرۆکایەتیی عەلی زەیدی، پۆستەکانی جێگری دووەمی سەرۆکی ئەنجوومەنی نوێنەران و وەزیری دەرەوە و وەزیری ئاوەدانکردنەوەی بەرکەوتووە.

زانیاریی زیاتر بۆ تۆ

ئەشواق جاف: گفتوگۆکان لە نێوان پارتی و یەکێتی بەردەوامە

ئەشواق جاف: فراکسیۆن و وەزیرەکانی پارتی دەگەڕێنەوە بەغداد