پاش نۆ ڕۆژ لە لافاوەکەی نیپاڵ دوو کەس لەناو تونێلێکدا ڕزگارکران

پووختەی هەواڵەکە:

لە لافاوەکەی نیپاڵدا 1,300 کەس گیانیان لەدەستداوە و 5,600 کەس بێ سەروشوێن بوون

تیمەکانی فریاگوزاری، دوو کارمەندیان بە زیندوویی لە تونێلێکی پڕۆژەیەکی بەرهەمهێنانی کارەبادا دەرهێنا.

هەوڵەکان بۆ دەستگەیشتن بە کەسانی دیکە کە گومان دەکرێت لە ناو تونێلەکاندا گیریان خواردبێت، بەردەوامن.

پاش نۆ ڕۆژ لە لافاوە کارەساتبارەکەی نیپاڵ، ئەمڕۆ تیمەکانی فریاگوزاری، دوو کارمەندیان بە زیندوویی لە تونێلێکی پڕۆژەیەکی بەرهەمهێنانی کارەبادا دەرهێنا، لە کاتێکدا هەوڵەکان بۆ دەستگەیشتن بە کەسانی دیکە کە گومان دەکرێت لە ناو تونێلەکاندا گیریان خواردبێت، بەردەوامن.

زانیاری زیاتر لەسەر دوو کارمەندە ڕزگارکراوەکەی نیپاڵ

دوو ڕزگارکراوەکە، سەرپەرشتیاری تەکنیکی و کارگێڕیی بەشەکە بوون.

تەندروستییان جێگیرە و بۆ وەرگرتنی چارەسەری پزیشکی، ڕەوانەی نەخۆشخانە کراون.

پێشبینی دەکرێت نزیکەی 115 کارمەند، لەناو چەندین تونێلی پرۆژەیەکی بەرهەمهێنانی کارەبادا گیریان خواردبێت.

لە 26ـی ئابدا، بەهۆی ڕوودانی بوومەلەرزە و داڕمانی شاخێکی سەهۆڵینەوە، لەسەر سنووری نیپاڵ و چین، لافاوێکی کارەساتبار دروستبوو، کە بەهۆیەوە هەزار و 300 کەس گیانیان لەدەستداوە و زیاتر لە پێنج هەزار و 600 کەسیش بێ سەروشوێن بوون.

دوو ڕزگارکراوەکە تەندروستیان جێگیرە

بەرپرسان ئاماژەیان بەوە کردووە، دوو ڕزگارکراوەکە، سەرپەرشتیاری تەکنیکی و کارگێڕیی بەشەکە بوون، هەروەها تەندروستییان جێگیرە و بۆ وەرگرتنی چارەسەری پزیشکی، ڕەوانەی نەخۆشخانە کراون.

هەڵمەتی گەڕان و پشکنین بەردەوامە

ئۆپراسیۆنەکانی گەڕان و ڕزگارکردنی قوربانییانی لافاوەکە بەردەوامە و پێشبینی دەکرێت نزیکەی 115 کارمەند، لەناو چەندین تونێلی پرۆژەیەکی بەرهەمهێنانی کارەبادا گیریان خواردبێت، کە بەهۆی پاشماوەی لافاوەکەوە پڕبوون.

هێشتا هیوایەک هەیە بۆ زیندوومانەوەی کارمەندانی دیکە

تیمەکانی فریاگوزاری لە شوێنی ڕووداوەکەوە، هیوایان هەیە کە بتوانرێت هەندێک کەسی دیکە بە زیندوویی لە ناو تۆنێلەکەدا بدۆزرێنەوە.

ئەو کارمەندانەی گیریان خواردووە، بەشێکن لەو 933 کارمەندەی لەکاتی ڕوودانی لافاوەکەدا، لە پرۆژەکانی بەرهەمهێنانی کارەبادا، لەسەر ڕووبارەکانی ناوچەکە کاریان کردووە.

زانیاری زیاتر بۆ تۆ

ژمارەی قوربانییانی لافاوەکەی نیپاڵ و چین هەزار و 280 کەسی تێپەڕاند

توانەوەی سەهۆڵبەندانەکان مەترسی لەسەر ژیانی ملیۆنان کەس دروستدەکات