پووختەی هەواڵەکە

• نرخی یەک بەرمیل نەوتی سپی لە بازاڕی هەولێر بۆ سەرووی 300 هەزار دینار بەرزبووەوە.

• نەوتفرۆشان هۆکاری گرانبوونەکە بۆ نەبوونی نەوتی نوێ و پشتبەستن بە کۆگاکان دەگەڕێننەوە.

• فرۆشیاران داوا لە هاوڵاتییان دەکەن بەم نرخە بەرزە نەوت نەکڕن.

• بەراورد بە ساڵی ڕابردوو، نرخی هەر بەرمیلێک 100 هەزار دینار زیادی کردووە.

---

زانیارییەک گەیشتووەتە کەناڵ8 کە لەگەڵ نزیکبوونەوەی وەرزی سەرما، نرخی یەک بەرمیل نەوتی سپی لە بازاڕی سووتەمەنی هەولێر 300 هەزار دیناری تێپەڕاندووە و لە کاتی گەیاندنیدا دەگاتە 325 هەزار دینار. نەوتفرۆشانی شارەکە هۆشداری دەدەن کە سووتەمەنیی پێویست لە هەرێمی کوردستان بەردەست نییە و داوا لە هاوڵاتییان دەکەن لە کڕینی نەوت بەم نرخانە ڕابوەستن تاوەکو بازاڕ هێور دەبێتەوە.

---

نەوتفرۆشانی بازاڕی هەولێر

• نرخی یەک بەرمیل نەوتی کوالێتی بەرز لە بۆرسەی شارەکە گەیشتووەتە 310 هەزار دینار و تا دەگاتە دەستی کڕیار دەبێتە 325 هەزار دینار.

• نرخی ئێستای نەوتی سپی بەراورد بە هەمان کاتی ساڵی ڕابردوو، 100 هەزار دینار بۆ هەر بەرمیلێک گرانتر بووە.

• لە هەرێمی کوردستان نەوتی نوێ نییە و تەنیا پشت بە کۆگاکان دەبەسترێت، هەر بۆیە داوا لە هاوڵاتییان دەکەن نەوت نەکڕن بۆ ئەوەی ڕێگری لە گرانبوونی زیاتر بکرێت.

چاوەڕوانییەکان لە حکومەت و بازاڕی گاز

فرۆشیاران دابەزینی نرخەکان دەبەستنەوە بە دەستپێکردنی دابەشکردنی نەوت لەلایەن حکومەتی عێراقەوە و جەخت دەکەنەوە ئەگەر بەغداد نەوت بنێرێت، هەر بەرمیلێک بەلایەنی کەمەوە 100 هەزار دینار دادەبەزێت، بە پێچەوانەوە نرخەکان بەرزتر دەبنەوە. هاوکات لە هەمان بازاڕدا نرخی گازیش ڕووی لە هەڵکشان کردووە و نرخی هەر بەرمیلێک گەیشتووەتە 53 هەزار دینار و ڕۆژانە ڕووبەڕووی گۆڕانکاری و بەرزبوونەوە دەبێتەوە.

زانیاریی زیاتر بۆ تۆ

هەرێمی کوردستان بۆ دابینکردنی نەوتی سپی پەنا دەباتە بەر بەغداد

نرخی بەرمیلێک نەوتی سپی لە بازاڕدا گەیشتووەتە 250 هەزار دینار

پاش 9 مانگ هێشتا 20%ـی نەوتی سپیی پشکی هەرێمی کوردستان لە بەغدادەوە نەگەیشتووە