پووختەی هەواڵەکە:

• ئەمڕۆ ئاهەنگێکی گەورەی هاوسەرگیری لە باشووری عێراق بەڕێوەدەچێت

• لە ئاهەنگەکە هەزار و 400 ئاژەڵی بچووک و 250 حوشتر سەردەبڕدرێت

• دوو کوڕی سەرۆک هۆزی بدوور هاوسەرگیری دەکەن

---

ئاهەنگی هاوسەرگیری دوو کوڕی سەرۆک هۆزی بدوور لە باشووری عێراق، لە تۆڕە کۆمەڵایەتییەکان دەنگدانەوەی بەدوای خۆیدا هێناوە و بووەتە باس و خواسی هاوڵاتییان.

---

ئامادەکارییەکانی ئاهەنگەکە

• هەزار و 400 سەر ئاژەڵی بچووک و 250 حوشتر ئامادەکراون بۆ سەربڕین و دروستکردنی خواردن و پێشوازیکردن لە میوانان.

• بەشی زۆری ئەو ئاژەڵانە، وەک دیاری بۆ ماڵی شێخ حەیدەر عابر فەهەد شەرشاب لەلایەن کەسایەتی و ئەندامانی هۆزەکە و سەرۆک هۆز و کەسایەتییەکانەوە نێردراون.

• ماوەی چەند ڕۆژێکە ئاهەنگی گەورە بەڕێوەدەچێت، کە تیادا کولتووری عەرەبی پەیڕەو کراوە و سەدان کەسایەتی بەشدارییان لەو ڕێوڕەسمەدا کردووە.

• هۆزی بدوور، یەکێکە له هۆزە گەورە عەرەبییەکان و پێگەی سەرەکییان لە پارێزگای زیقار لە ناوچەی قتیعە لە شارۆچکەی بەتحایە.

ئەمڕۆ هەینی، دوو کوڕی شێخ حەیدر عابر فەهەد شەرشاب، سەرۆک هۆزی بدوور، هاوسەرگیری دەکەن و سەدان سەر مەڕ و ماڵات و حوشتر ئامادەکراون بۆ سەربڕین.

بەگوێرەى ئەو زانیارییانەی لەسەر ئامادەکارییەکانی ئاهەنگەکە بڵاوکراونەتەوە، هەزار و 400 سەر ئاژەڵی بچووک و 250 حوشتر ئامادەکراون بۆ سەربڕین و دروستکردنی خواردن و پێشوازیکردن لە میوانان.

زۆربەی ئاژەڵەکان وەک دیاری نێردراون بۆ ئاهەنگەکە

بەشی زۆری ئەو ئاژەڵانە، وەک دیاری بۆ ماڵی شێخ حەیدەر عابر فەهەد شەرشاب لەلایەن کەسایەتی و ئەندامانی هۆزەکە و سەرۆک هۆز و کەسایەتییەکانەوە نێردراون، تاوەکو لە ڕۆژی ئاهەنگەکە بۆ میوانان ئامادە بکرێن.

ماوەی چەند ڕۆژێکە ئاهەنگی گەورە بەڕێوەدەچێت، کە تیادا کولتووری عەرەبی پەیڕەو کراوە و سەدان کەسایەتی بەشدارییان لەو ڕێوڕەسمەدا کردووە.

ئاهەنگی سەرەکی هاوسەرگیرییەکە ئەمڕۆ هەینی بەڕێوەدەچێت، شێخ حەیدەر عابر بانگێشتنامەیەکی بڵاوکردووەتەوە و دەڵێت هاتن بۆ هەمووانە و داوا دەکات میوانان بۆ نانخواردنی نیوەڕۆ ئامادەی خوانەکەیان بن.

شوێنی نیشتەجێبوونی هۆزی بدوور

هۆزی بدوور، یەکێکە له هۆزە گەورە عەرەبییەکان و پێگەی سەرەکییان لە پارێزگای زیقار لە ناوچەی قتیعە لە شارۆچکەی بەتحایە.

ئەم هۆزە بەسەر چەندین پارێزگای عێراق و وڵاتانی عەرەبی بڵاوبوونەتەوە، گرنگترینیان لە وڵاتانی سعودیە، کوەیت، ئوردن و سووریایە.

زانیاری زیاتر بۆ تۆ

لە عێراق ڕێژەی هاوسەرگیری کەمیکردووە و جیابوونەوە زیادیکردووە

ئەنجوومەنی دادوەری ئامارى هاوسەرگیرى و جیابوونەوەى لە هەرێمى کوردستان بڵاوکردەوە