دۆسیەی ئەمنی شەش پارێزگای عێراق ڕادەستی وەزارەتی ناوخۆ دەکرێت
ئارام یوسف 1 کاتژمێر پێش ئێستا
پووختەى هەواڵەکە
- شانەی ئەمنیی عێراق ڕایگەیاند، کۆبوونەوەیەکی تایبەت بە تەواوکردنی ڕادەستکردنی دۆسییەی ئەمنی شەش پارێزگا بە وەزارەتی ناوخۆ بەڕێوەچووە.
- بڕیار دراوە دۆسیەی ئەمنی شەش پارێزگای عێراق ڕادەستی وەزارەتی ناوخۆ دەکرێت.
بە گوێرەى ڕاگەیێنراوى شانەى ئەمنى عێراق، کۆبوونەوەکە بە سەرپەرشتیی عەبدولئەمیر یارەڵڵا، بەڕێوەبەری نووسینگەی فەرماندەیی گشتیی هێزە چەکدارەکان و ئامادەبوونی چەندین بەرپرسی باڵای ئەمنی بەڕێوەچووە.
ئەو پارێزگایانە کامانەن؟
- ئەو پارێزگایانەی دۆسیەی ئەمنی تیایاندا ڕادەستی پۆلیسی ناوخۆیی دەکرێن، بریتین لە زیقار، موسەننا، دیوانییە، نەجەف، واست و بابل.
- شانەی ڕاگەیاندنی ئەمنی ئاماژە بەوەدەکات، ئەو کۆبوونەوەیە بۆ تەواوکردنی ئەو ڕێکارانەیە بۆ دووبارە ڕێکخستنەوە و دابەشکردنی ئەمنیی بەڕێوەدەچێت.
- بە ڕوونى بەرپرسیارێتی و تەواوکاریی ئەمنی نێوان دامەزراوە ئەمنی و سەربازییەکان دیاری دەکات.
ئەوە لە کاتێکدایە، ڕادەستکردنی دۆسیەی ئەمنی ئەو پارێزگایانە بە پۆلیسی ناوخۆیی، هاوکاتە لەگەڵ نزیکبوونەوەی وادەی کۆتاییهاتنی ئەرکی هاوپەیمانیی نێودەوڵەتی و کشانەوەی هێزەکانیان لە عێراق.
زانیار زیاتر بۆ تۆ
پارێزگارى کەرکوک: لە سەردانەکەى زەیدیدا بۆ تورکیا دۆسیەى ئەمنى تاوتوێ دەکرێت
وەزیرى بەرگریى عێراق: ئامادەین دۆسیەى ئەمنى بەتەواوەتى لە ئەمریکا وەربگرینەوە
ئارام یوسف
1 کاتژمێر پێش ئێستا