پووختەى هەواڵەکە

• عەلى زەیدی: ئەمڕۆ دەستپێکێکی جددی دەبێت بۆ چارەسەرکردنی پرسی چەکی دەرەوەی دەسەڵات.
• عەلى زەیدی: دواین وادە بۆ ڕادەستکردنى چەک 30ـی حوزەیرانی 2027 دەبێت.
• عەلى زەیدی: کار بۆ داماڵینی چەکی تەواوی گرووپە چەکدارە ناپەیوەندیدارەکان بە عێراقەوە دەکەین.
• عەلى زەیدی: ڕێگری لە بەکارهێنانی خاک و ئاسمانی عێراق دژی ئاسایشی وڵاتانی دراوسێ دەکەین.
• عەلى زەیدی: سیستمی بەرگریی ئاسمانیی بۆ وڵاتەکەمان دەکڕین.

---

ئەمڕۆ پێنجشەممە، 1ـى تشرینى یەکەمى 2026، عەلى فالح زەیدى، سەرۆکوەزیرانى عێراق، ڕاگەیێنراوێکى بەبۆنەى ڕۆژى سەروەرى عێراق بڵاوکردەوە و تیایدا ئاماژەى بەوەکردووە، 1ـى تشرینى یەکەمى 2026، شاهێدى دەستکەوتى نیشتمانى گەورەیە، ئەویش کۆتاییهێنانە بە ئەرکى هاوپەیمانى نێودەوڵەتى لە عێراق، هەروەها کشانەوەى ئەو هێزانە بەشێوەیەکى تەواو و کۆتایی لە ووشکانى و ئاسمان و دەریا و بە ئەنجامگەیاندنى سەروەرى تەواوەتى عێراق.

---

پەیامى پیرۆزبایی زەیدى لە گەلى عێراق و وادەى کۆکردنەوەى چەک

• بەدەستهێنانی سەروەری، دەستکەوتێکی نیشتمانییە و شانازی عێراقییەکانە.
• یەکی تشرینی یەکەم دەتسپێکێکی جددییە بۆ چارەسەرکردنی پرسی چەکی دەرەوەی دەسەڵات.
• پابەندبوون بە شایستە دەستوورییەکان بە گوێرەی نەخشەڕێگەیەکی دیار و ڕوون و وادەیەکی دیاریکراو کە ڕێککەوتنی لەسەرکراوە و دوایین وادە 30ـی حوزەیرانی2027ە.
• حکومەتی عێراق بە گوێرەی دەستوور کاردەکات بۆ کۆکردنەوەی تەواوەتی چەک لەو گرووپە چەکدارییە بیانییانەی کە لە ناو خاکی عێراقدان.

ئەوە لە کاتێکدایە، پڕۆسەی کشانەوەی تەواوەتیی هێزەکانی ئەمریکا و هاوپەیمانان لە عێراق، لە ڕۆژى 30ـى ئەیلوولی 2026، بە شێوەیەکی فەرمی کۆتایی پێهات. ئەم پێشهاتە مێژووییە دوای ڕێککەوتنی ساڵی 2024ـى نێوان حکومەتی عێراق و واشنتن هات بۆ کۆتاییهێنان بە ئەرکی سەربازیی هاوپەیمانیی نێودەوڵەتی دژ بە داعش.

زانیارى زیاتر بۆ تۆ

زەیدی: عێراق چووەتە سەردەمێکی نوێوە

فوئاد حسێن: حکومەتى عێراق ڕەشنووسى پلانى کۆکردنەوەى چەکى ئامادەکردووە