پووختەى هەواڵەکە

• بەهۆی نۆژەنکردنەوە لە کێڵگەی غازی کۆرمۆر بەرهەمهێنان بەڕێژەی 50% کەمدەبێتەوە.
• نەوت و کانزاکانی سلێمانی: نۆژەنکردنەوەکە نزیکەی 20 ڕۆژ دەخایەنێت.
• محەممەد حەسیب: کەمبوونەوەی بەرهەمهێنان کاریگەری لەسەر کارەبا و غاز دەبێت.
• محەممەد حەسیب: سەرەڕای کەمبوونەوەی بەرهەمهێنان بەڵام یەدەگی غازمان هەیە.

---

محەممەد حەسیب، بەڕێوەبەری نەوت و کانزاکانی سلێمانی بە کەناڵ8ـی ڕاگەیاند، بەهۆی ئەنجامدانی کاری نۆژەنکردنەوە لە کێڵگەی غازى کۆرمۆر، لە سبەی هەینی، 2ـى تشرینى یەکەم، بەرهەمهێنان لە کێڵگەکەیان بۆ 50% کەمدەبێتەوە.

---

کاریگەرییەکانى کەمکردنەوەى بەرهەمهێنان

• نەوت و کانزاکانی سلێمانی: کەمکردنەوەی بەرهەمهێنان بەڕێژەی 50%، کاریگەریی لەسەر بەرهەمهێنانی غاز و کارەبا دەبێت، بەڵام دڵنیایی دا یەدەگی غازیان هەیە.
• کێڵگەی غازی کۆرمۆر دەکەوێتە شارەدێی قادرکەرەمی سەر بە شارۆچکەی چەمچەماڵ لە پارێزگای سلێمانی.
• بەرهەمهێنان لە کێڵگەکەدا لە ساڵى 2008ـەوە دەستیپێکردووە و کۆمپانیای پێرڵ پترۆلیۆم، کە پشکی پێنج کۆمپانیایە، بەڕێوەی دەبەن.
• کێڵگەی غازی کۆرمۆر، بە شادەماری وزەی هەرێمی کوردستان دادەنرێت.
• کێڵگەکە غازی 85%ـى پڕۆژەى ڕووناکى دابین دەکات و سێ جۆر وزە بەرهەمدەهێنێت، ئەوانیش، غازی سروشتی و غازی ماڵان و کۆندێنسێتن.
  
  ئەم نۆژەنکردنەوەیە لە کاتێکدایە، لە ماوەی ڕابردوودا بەهۆی هێرشی مووشەکی و درۆنی بۆ سەر کێڵگەی غازی کۆرمۆر، چەندین جار بەرهەمهێنانی غاز پەکیکەوتووە و بەمەش بەرهەمهێنانی کارەبا لە هەرێمی کوردستان کەمی دەکرد.

زانیارى زیاتر بۆ تۆ

وەزارەتی کارەبا: گرفتى تەکنیکى لە کێڵگەى کۆرمۆر دروستبووە

کەمکردنەوەی گازی دانەغاز بەرهەمهێنانی کارەبا 1000 مێگاوات دادەبەزێنێت

لەسلێمانی بەرهەمهێنانی کارەبا بە وزەی خۆر 100 مێگاواتی تێپەڕاند