سوپای پاسداران پێشوازی لە کشانەوەی هێزەکانی ئەمریکا لە عێراق دەکات
سامیا حەسەن 1 کاتژمێر پێش ئێستا
پووختەى هەواڵەکە
- سوپای پاسداران پێشوازی لە کشانەوەی هێزەکانی ئەمریکا لە عێراق دەکات.
- سوپای پاسداران کشانەوەى هێزەکانی ئەمریکا لە عێراق بە "دەرکردن و دەستکەوت" بۆ بەرەى مقاوەمە ناودەبات.
- پاسداران: ئەمریکا دەبێت ئاسیا و وڵاتانى ئیسلامى بەجێبهێڵێت.
ئەمڕۆ پێنجشەممە، 1ـى تشرینى یەکەمى 2026، پاسداران ڕاگەیێنراوێکی لە بارەی کشانەوەی هێزەکانی ئەمریکا لە هەرێمى کوردستان و عێراق بڵاوکردەوە و ڕایگەیاند، "دەرکردنی ئەمریکا لە عێراق دەرئەنجامی خۆڕاگریی خەڵکی عێراقەو عێراقییەکان سەلماندیان ئیرادەی نیشتمانى باشترین چەکە دژ بە زیادەڕەوییەکانی دووژمن و ستەمکاران".
ڕۆیشتنى ئەمریکا و مانەوەى ئێران
- پاسداران: ئەمریکا ڕۆیشت؛ نەک لە ڕێگەی دانوستانەوە بەڵکو بەهۆی ئیرادەی نەتەوەیەکەوە بووە.
- ئەمریکا دەبێت ناوچەکە بەجێبهێڵێت و بەڕێوەبردنی ئاسایشی ناوچەکەش بەدەستى خودی خەڵکەکەوە بێت.
- پاسداران: ئەزموونی دوو دەیە لە داگیرکاری دەرخەری ئەوەیە کە بوونی ئەمریکا نەک هەر نەبووەتە هۆی بەرقەراکردنی ئاسایش، بەڵکو سەرچاوەی تیرۆر و ناسەقامگیریش بووە بۆی.
- سوپای پاسداران: عێراقییەکان بۆ هەمیشە دەستتێوەردانی ئەمریکا لە ئابووری و نەوتی وڵاتەکەیان کۆتایی پێدەهێنن داهاتوویەکی گەش بۆ خۆیان دروست دەکەن.
- دەرکردنی ئەمریکا لە عێراق سەرەتای دەرکردنیانە لە هەموو وڵاتانی ڕۆژئاوای ئاسیا و وڵاتانی ئیسلامی.
ئەمە لە کاتێکدایە کشانەوەى هێزەکانى هاوپەیمانان بە سەرکردایەتیى ئەمریکا، بە ڕێککەوتن لێکتێگەیشتنى نێوان بەغداد و واشنتن بووە.
زانیارى زیاتر بۆ تۆ
عەلى زەیدی: ئەمڕۆ دەستپێکێکی جددی دەبێت بۆ چارەسەرکردنی پرسی چەکی دەرەوەی دەسەڵات
فوئاد حسێن: حکومەتى عێراق ڕەشنووسى پلانى کۆکردنەوەى چەکى ئامادەکردووە
سامیا حەسەن
1 کاتژمێر پێش ئێستا