عەلى زەیدى قۆناغى سەروەریی عێراقى ڕاگەیاند
رێبوار حەمەوەیس 3 کاتژمێر پێش ئێستا
پووختەى هەواڵەکە
- عەلى زەیدى: دۆسیەى چەک بەگوێرەى خشتەیەکى زەمەنى کۆنتڕۆڵ دەکرێت.
- عەلی زەیدی: ڕێککەوتوین لەسەر کشانەوەی هێزەکانی تورکیا و پەکەکە لە عێراق.
- زەیدی: یەکخستنی پێشمەرگە دەبێتە هۆی بەهێزبوونی بڕیاری ئەمنی و سەربازی.
- زەیدی: نابێت هیچ جۆرە ئۆپۆزسیۆنێکی چەکداری بیانی لەسەر خاکی عێراق بمێنێت.
- عەلى زەیدى ستایشى ئەو گرووپانەى کرد کە پابەندبوونیان بە چارەسەرکردنى دۆسیەى چەک ڕاگەیاندووە.
- زەیدى داواى لە گرووپەکانى دیکە کرد هەمان پابەندى پیشان بدەن.
بە سەرپەرشتیی عەلى زەیدى سەرۆکوەزیران و بە ئامادەبوونى سەرۆکى هەرێمى کوردستان و سەرۆکى ئەنجوومەنى نوێنەران و ژمارەیەک لە سەرکردە سیاسییەکان و سەرۆکى نێردە دیپلۆماسییەکان، کۆنگرەى ڕۆژى سەروەرى لە بەغداد بەڕێوەچوو.
وتارى عەلى زەیدى لە کۆنگرەى ڕۆژى سەروەرى
- زەیدى: سەروەریى بەدەستهاتووى عێراق، لە کۆمەڵێک فاکتى نیشتمانى تەواوکراودا بەرجەستە دەبێت لەوانە؛ کشانەوەى هێزە بیانییەکان و کۆتاییهاتنى تەواوەتى ئەرکى هاوپەیمانان لە عێراق.
- ڕێککەوتن لەسەر کشانەوەى هێزەکانى تورکیا و ئەندامانى پارتى کرێکارانى کوردستان و کۆتاییهێنان بە بوونى گرووپە چەکدارە بیانییەکان لەسەر خاکى عێراق.
- یەکخستنەوەى هێزى پێشمەرگە کە دەبێتە مایەى بەهێزکردنى یەکێتیى بڕیارى ئەمنى و سەربازى.
- بوونى هەر ئۆپۆزسیۆنێکى بیانى چەکدار لەسەر خاکى عێراق کۆتایی هاتووە و ڕێگەنادەن بە بەکارهێنانى خاکى عێراق بۆ هێرشکردنە سەر وڵاتانى دراوسێ.
- دۆسیەى چەک بە گوێرەى دەستوور و یاسا و خشتەیەکى زەمەنى ڕێککەوتن لەسەرکراو کۆنتڕۆڵکراوە.
- دۆخى گرووپەکان و تێکەڵکردنیان لە چوارچێوەى دامەزراوەکانى دەوڵەت چارەسەر دەکرێت.
سەرۆکوەزیران ڕاشیگەیاند، هەنگاودەنێن بۆ بونیادنانى سیستمێکى بەرگریی ئاسمانیى نیشتمانیى گشتگیر، کە دەبێتە مایەى بەهێزکردنى تواناى عێراق بۆ پاراستنى ئاسمان و سەروەییەکەى.
زەیدى ڕاشیگەیاند، ئەمڕۆ دەستپێکردنى قۆناغى سەروەرى ڕادەگەیەنن کە دەوڵەت پارێزەریەتى و یاسا گرەنتیی دەکات و هەموو عێراقییەکان بەشدارن تیایدا.
هەروەها ستایشى هەڵوێستى ئەو گرووپانەشى کرد پابەندبوونیان ڕاگەیاندووە بە چارەسەرکردنى دۆسیەى چەک بەگوێرەى دەستوور و خشتەیەکى زەمەنى کە حکومەت دایناوە، گوتیشى، چاوەڕێن گرووپەکانى دیکەش هەمان پابەندبوونیان هەبێت.
زانیارى زیاتر بۆ تۆ
عەلى زەیدی: ئەمڕۆ دەستپێکێکی جددی دەبێت بۆ چارەسەرکردنی پرسی چەکی دەرەوەی دەسەڵات
رێبوار حەمەوەیس
3 کاتژمێر پێش ئێستا