ئێران: گەشتە ئاسمانییەکانمان لەگەڵ دراوسێکانمان بەردەوامە
سامیا حەسەن 1 کاتژمێر پێش ئێستا
پووختەی هەواڵە
- میدیای فەرمی ئێران: هاتووچۆی ئاسمانیمان لەگەڵ 12 وڵاتی دراوسێ هەیە.
- میدیای فەرمی ئێران: سەلامەتی گەشتە ئاسمانییەکانی وڵاتەکەمان مسۆگەرە.
مورتەزا دێهقانی، بەڕێوەبەری جێبەجێکاری کۆمپانیای فڕۆکەخانەکان و هاتووچۆی ئاسمانی ئێران بە میدیای فەرمی وڵاتەکەی ڕاگەیاند، "هاتووچۆ ئاسمانیمان لەگەڵ 12 وڵاتی دراوسێدا هەیە و دەشڵێت، سەرجەم گەشتەکانیش بە گوێرەی ڕێکار و چوارچێوە نێودەوڵەتییەکان ئەنجامدەدرێت".
سزاکانی سەر کەرتی فڕۆکەوانی ئێران
- دێهقانی: فڕۆکەکانی ئێران لە سەلامەتییەکی تەواودا گەشتەکانیان ئەنجام دەدەن.
- دێهقانی: هەموو خزمەتگوازارییەکیش بۆ گەشتەکان لە فڕۆکەخانەکان مسۆگەرە.
- دێهقانی: تاران بە پێچەوانەی واشنتن کە بەردەوام گەمارۆ دەسەپێنێت، ئاسمانی وڵاتەکەی بۆ هەموو جۆرە گەشتێک واڵایە.
8ی ئەیلول وەزارەتی گەنجینەی ئەمریکا لە ڕاگەیێنراوێکدا بڵاویکردەوە، سزایان بەسەر 36 ئامانج و کەسایەتی و هێڵی ئاسمانی ئێراندا سەپاندووە، بەو هۆیەوە زۆرێک لە وڵاتان گەشتەکانیان بۆ ئێران ڕاگرت.
سزاکانیش هێڵی ئاسمانی ماهان و چەند کۆمپانیایەکی تایبەت بە کەرتی فڕۆکەوانی و گواستنەوەی گرتووەتەوە، بەگوێرەى راگەیێندراوەکەى گەنجینەى ئەمریکا، "ئەو هێڵانە کار بۆ گواستنەوەی توانا لۆجیستییەکانی ئێران دەکەن.
زانیاری زیاتر بۆ تۆ
عێراق داوای بەدەرکردنی فڕۆکەخانەکانی لە سزاکانی سەر ئێران دەکات
سامیا حەسەن
1 کاتژمێر پێش ئێستا