پووختەى هەواڵەکە

---

• سبەى یەکشەممە لیستى مووچەى مانگى ئەیلوول بە ئەلیکترۆنى ڕەوانەى وەزارەتى دارایی فیدراڵ دەکرێت.

• لیژنەى تەکنیکى دارایى هەرێمى کوردستان بۆ وردبینى دەچێتە بەغداد.

• زانیاریى کەناڵ8: لە ماوەى 48 کاتژمێردا وردبینیى لیستەکە تەواو دەکرێت.

---

زانیاریى ئەوە بە کەناڵ8 گەیشتووە لیستی مووچە بە سیستمی پەیڕۆڵ لە 16ـی ئەیلوولەوە لە گەنجینەکانى پارێزگاکانەوە تەواو کرا و ڕادەستى وەزارەتى دارایی هەرێمى کوردستان کرا، واتە پاش تێپەڕبوونى 18 ڕۆژ لە تەواوکردنى لیستەکە بە پەیڕۆڵ، وەزارەتى دارایی لیستەکە ڕەوانەى بەغداد دەکات.

---

مانگەکانى پێشوو چۆن بوو؟

• لەنێوان 17 بۆ 22ـی هەموو مانگێک لیستی مووچەی ڕەوانەی بەغداد دەکرا.
• لیژنەى تەکنیکی دەچووە بەغداد و بە 48 کاتژمێر وردبینی لە بەغداد تەواو دەکرا.
• ئەم مانگە ناردنی داتاکان بەهۆی داواکردنی ناوی سیانی دایکەوە دواکەوت.
  

---

لە عێراق دابەشکردنى مووچە بەرەو کۆتایى دەڕوات

وەزارەتی دارایی فیدراڵ لە 23ـی ئەیلوولەوە دابەشکردنی مووچەی فەرمانبەرانی لە پارێزگاکانی عێراق دەستپێکردووە و زۆربەی دامەزراوەکان شایستەکانیان وەرگرتووە.

بە گوێرەى خشتەی دارایی عێراق، لە سەرەتای هەفتەی داهاتوو دابەشکردنی مووچە تەواو دەبێت، ئەمەش هاوکات دەبێت لەگەڵ گەیشتنی لیستی هەرێمی کوردستان بۆ دەستپێکردنی پڕۆسەی وردبینی.

---

هاتنى مووچە

پاش وردبینیى لیستى مووچەى مانگى ئەیلوول، چاوەڕوان دەکرێت هەفتەى داهاتوو تەمویلى مانگى نۆ خەرج بکرێت و پارەکە بخرێتە سەر هەژمارى دارایی هەرێمى کوردستان و ئەوانیش خشتە ڕابگەیێنن.

زانیاریى زیاتر بۆ تۆ:

ناردنی لیستی مووچەی مانگی ئەیلوول دەکەوێتە هەفتەی داهاتوو

وەزارەتى دارایی عێراق: دابەشکردنى مووچەى مانگى ئەیلول دەستپێدەکات