وەزیری گەشتوگوزاری ئێران: 70%ـی گەشتیارانی وڵاتەکەمان عێراقین
ئێران: لە 100 گەشتیار کە سەردانی ئێران دەکەن 70 یان عێراقین
ساڵحی ئەمیری: لە پلاندایە کەرتی گەشتیاری لەگەڵ عێراق زیاتر پەرە پێ بدەین
رەزا ساڵحی ئەمیری، وەزیری میراتی کلتووری و گەشتوگوزاری ئێران بە میدیای فەرمی وڵاتەکەی ڕاگەیاند، سەرەڕای داخستنی هێڵی ئاسمانی، بەڵام بەهۆی نزیکیی جوگرافیا و مێژوو و تێکەڵبوونی کۆمەڵایەتیی نێوان ئێرانی و عێراقییەکان، ئێستا لە هەر 100 گەشتیارێک کە سەردانی ئێران دەکەن 70یان عێراقین.
هەوڵەکانی شکاندنی گەمارۆ
- ساڵحی ئەمیری: لەگەڵ زۆرێک لە وڵاتان لە پەیوەندیی دان بۆ پرسی کردنەوەی گەشتە ئاسمانییەکانی نێوانمان.
- ساڵحی ئەمیری: لە سنوورە وشکانییەکانەوە هاتوچۆی گەشتیارییان لەگەڵ کۆماری ئازەربایجان بەردەوامە.
ئەمریکا دەیەوێت ئاسمانی ئێران خاڵی بکات
ڕۆژی 8ـی ئەیلوول وەزارەتی گەنجینەی ئەمریکا لە ڕاگەیێنراوێکدا بڵاویکردەوە، سزایان بەسەر36 کەسایەتی و هێڵی ئاسمانیی ئێراندا سەپاندووە، بەو هۆیەوە زۆرێک لە وڵاتان گەشتەکانیان بۆ ئێران ڕاگرت.
سزاکانیش هێڵی ئاسمانی ماهان و چەند کۆمپانیایەکی تایبەت بە کەرتی فڕۆکەوانی و گواستنەوەی گرتەوە، بەگوێرەى راگەیێندراوەکەى گەنجینەى ئەمریکا، "ئەو هێڵانە کار بۆ گواستنەوەی سەرچاوە و توانا لۆجیستییەکانی ئێران دەکەن."
زانیاری زیاتر بۆ تۆ
عێراق داوای بەدەرکردنی فڕۆکەخانەکانی لە سزاکانی سەر ئێران دەکات
2 کاتژمێر پێش ئێستا