دیلان غەفوور: هەرێم و بەغداد لەسەر چەند خاڵێکی بودجە نەگەیشتوونەتە ڕێککەوتن

پووختەى هەواڵەکە

دیلان غەفوور، ئەندامی لیژنەی دارایی ئەنجوومەنی نوێنەرانی عێراق ڕایگەیاند، هێشتا ڕێککەوتن لەسەر بەشە بودجەی هەرێمی کوردستان و ماف و شایستەکانی نەکراوە.
دیلان غەفوور: هەردوو حکومەتی هەرێمى کوردستان و عێراق لەسەر چەند خاڵێک ناکۆکن.
دیلان غەفوور: هەرێمی کوردستان داوا دەکات پشکی لە بودجە بە ڕێژەی 14.14% بێت.
دیلان غەفوور: بەغداد داوا دەکات هەرێمی کوردستان ڕۆژانە 400 هەزار بەرمیل ڕادەست بکات.
دیلان غەفوور: عێراق دەڵێت داهاتی باج و گومرگ سیادییە و دەبێت بگەڕێتەوە ناوەند.

دیلان، غەفور، ئەندامى ئەنجوومەنى نوێنەرانى عێراق، جەختیکردەوە، گفتوگۆکان لەسەر پڕۆژە بودجەی 2027 بەردەوامە و ئەمڕۆ لە لیژنەی دارایی ئەنجوومەنى نوێنەران میوانداریی فالح ساری وەزیری دارایی عێراقیان کردووە.

داواکارییەکانى هەرێمى کوردستان و ناکۆکییەکانى نێوان هەولێر و بەغداد

هەرێمی کوردستان داوا دەکات، پشکی لە بودجە بە ڕێژەی %14.14 بێت لەسەر بنەمای دوایین سەرژمێری گشتیی کە ئەنجام درا.
حکومەتی بەغداد پشکی هەرێمی کوردستانى بە %12.7 دیاری کردووە.
حکومەتی بەغداد دەڵێت، لەسەر ئەو بنەمایەیە کە ئاوارەکان و ئەو کەسانەی خاوەنی ئیقامەن و ئەوانەیشی عێراقیی نین و ڕەگەزنامەیان پێدراوە لە پشکی هەرێمی کوردستان دەرکراون و ئەوەندەی دەمێنێتەوە.
ناکۆکییەکی دیکە لەسەر بڕی ڕادەستکردنی نەوتە.
بەغداد داوا دەکات هەرێمى کوردستان ڕۆژانە 400 هەزار بەرمیل ڕادەست بکات.
هەرێمى کوردستان بەوە ڕازیی نییە و دەیەوێت 250 یان 280 هەزار بێت، لەسەر بنەمای ڕێککەوتنەکانی پێشووی نێوان هەردوولا.
ناکۆکییەکی دیکەی هەردوولا لەسەر باج و گومرگە.
عێراق دەڵێت داهاتی باج و گومرگ سیادییە و دەبێت بگەڕێتەوە ناوەند.
هەرێمى کوردستان دەڵێت سیادی نییە.
هاوکات ئەنجوومەنی دەوڵەت لە شیکردنەوەى خۆیدا پشتگیریی بۆچوونى عێراق دەکات و دەڵێت سیادییە.

پڕۆژە بودجەى گشتیی 2027ـى عێراق گوژمەکەى بە 200 تاوەکو 240 تریلیۆن دینار خەمڵێنراوە و هەرێمى کوردستان داواى نزیکەى 29 تریلیۆن دینارى کردووە بۆ مووچە و پلە بەرزکردنەوەى فەرمانبەران و داواى دامەزراندن و بە هەمیشەییکردنى مامۆستایان و فەرمانبەرانى گرێبەستیشی کردووە.

زانیارى زیاتر بۆ تۆ

هەرێمی کوردستان داوای گۆڕینی پشکی خۆی لە بودجەی 2027 دەکات

دیلان غەفور بۆ کەناڵ8: بەهای 100 دۆلار لە بودجەی 2027 بە 150 هەزار دینار دیاریکرا