شەپۆلی دوورخستنەوەی سەرۆک شارەوانییەکان؛ تورکیا گورزێکی دیکە لە ئۆپۆزسیۆن دەوەشێنێت
عەدنان ئەحمەد 2 کاتژمێر پێش ئێستا
پووختەی هەواڵەکە
- لە تورکیا سێ سەرۆکی شارەوانی لە کارەکانیان دوورخرانەوە
- لە ئیزمیر و ئیستانبوڵ ژمارەیەک بەرپرس و کارمەندی شارەوانی دەستگیرکران
پۆلیسی تورکیا دوێنی هەر یەکە لە وەهاب سەچەر، سەرۆکی گەورەشارەوانیی مێرسین، عەبدوڵا ئۆزیغیت، سەرۆکی شارەوانیی شارۆچکەی یەنیشەهیر لە مێرسین و ئەحمەد سەرکان تونجەر، سەرۆکی شارەوانیی مەزیتلی هەر لە مێرسین، بەندکرد.
هەڵمەت دژی ئۆپۆزسیۆن
- ئەمڕۆ چوارشەممەش، وەزارەتی ناوخۆی تورکیا بە بڕیارێک، هەرسێ سەرۆکی شارەوانییەکەی لە کارەکانیان دوورخستەوە.
- ئەو سێ سەرۆکی شارەوانییە تاوەکو ڕۆژی دادگاییکردنیان، بە بەندکراوی دەمێننەوە.
- چەند ڕۆژێک پێشتریش وەزارەتی ناوخۆی تورکیا سەرۆکی شارەوانییەکانی ئەیوبسوڵتان و ئاتاشەهیری ئیستانبوڵی لە ئەرکەکانیان دوورخستەوە.
هەر ئەمڕۆ چوارشەممە، هێزە ئەمنییەکان لە شارەوانییەکانی شارۆچکەی ئەسەنیورتی سەربە ئیستانبوڵ و شارۆچکەی چەشمەی سەربە ئیزمیر، دوو هەڵمەتی دەستگیرکردنیان ئەنجامدا و نزیکەی 20 بەرپرس و کارمەندی شارەوانییان دەستگیرکرد
زانیاری زیاتر بۆ تۆ
سێ سەرۆکشارەوانیی باکوورى کوردستان لابران و قەیووم لەجێگەیان دانرا
عەدنان ئەحمەد
2 کاتژمێر پێش ئێستا