عومەر چەلیک: لە چوارچێوەی پڕۆسەی چارەسەری لە ئاستی عێراق و سووریا دوو دەستکەوت هەبووە
پووختەى هەواڵەکە
- ئاکپارتی: لە چوارچێوەی پڕۆسەی چارەسەرییدا پێشهاتی گرنگ لە سووریا و عێراق ڕوویانداوە.
- ئاکپارتی: لەدوای کۆنترۆڵکردنی شنگال لەلایەن بەغدادەوە بنکەی باشیک ڕادەستی عێراق دەکەینەوە.
- چەلیک: یەکێک لە دەستکەوتەکانی پرۆسەکە چەکدانانی یەبەشەیە.
لە میانی کۆنفرانسێکی ڕۆژنامەوانییدا، عومەر چەلیک لە بارەی ژمارەیەک بابەتەوە دوا و جێهێشتنی عێراق و سووریای لە لایەن ئەمریکاوە دوای ئەو هەموو ساڵە بە پێشهاتێکی زۆر گرنگ ناوبرد.
گرنگى بەهێزکردنى تورکیا و ڕێککەوتننامەى مەککە
- بەهۆی جێبەجێنەکردنی پابەندییەکانی ڕێککەوتنی ئیسلامئاباد کە لە 17ـی حوزەیراندا واژۆکرا، گرژی و ئاڵۆزییەکانی نێوان ئەمریکا و ئێران مەترسییی نوێ دروست دەکەن.
- دۆخی ئێستای یەمەن هەڕەشە لە بابولمەندەب دەکات.
- بایەخی سەقامگیریی تورکیا و بەهێزکردنی بەرەی ناوخۆی بۆ هەمووان دەرخست.
- عومەر چەلیک، لە بارەی وادەی ناردنی ڕێککەوتنامەی بەرگری مەککە بۆ پەرلەمانی تورکیا: ڕێککەوتنەکە لە ماوەی چەند ڕۆژێکدا ڕەوانەی پەرلەمان دەکرێت.
بۆرسە و سندووقى وەبەرهێنان
سەبارەت بە دۆسییەی لێکۆڵینەوە لە بۆرسە و سندوقی وەبەرهێنان، کە بەهۆیەوە نزیکەی 500 هەزار کەس زەرەمەند بوون، چەلیک ئاماژەی بەوەکرد، ئەردۆغان سوورە لەسەر ئەوەی ئەو بابەتە یەکلایی بکاتەوە و بەرپرسیاران بەرەوڕووی یاسا بکرێنەوە.
سەردانى ئەردۆغان بۆ سووریا
گوتەبێژی ئاکپارتی ئاماژەی بەوەشکرد، سەرۆککۆماری تورکیا خواستی هەیە سەردانی سووریا بکات و ئاماژەی بەوەکرد، ئەو پرسە دەبێت لەگەڵ دیمەشق هەماهەنگی بۆ بكرێت، بەڵام هێشتا بەروارەکەی دیاری نەکراوە.
پڕۆسەى چارەسەرى
عومەر چەلیک لە بارەی پرۆسەی چارەسەرییشەوە، جەختی لە کارکردنی بەردەوامی لیژنەکان کردەوە و گوتی: "ئەو میکانیزمەی لەنێو پارتەکەماندا دامانمەزراندووە بە بەشێوەیەکی زۆر بەهێز لە کارکردن بەردەوامە. ئەو ئەنجوومەن و لیژنانەی پەیوەست بە پرۆسەی تورکیای بێتیرۆر دامەزراون بەردەوامن لە کارکردن.
ئاماژەی بەوەشكرد، لە چوارچێوەی پڕۆسەکەدا پەیوەست بە سووریا و عێراق پێشهاتی گرنگ ڕوویانداوە و گوتی: "لێرە و لەوێ ئەندامانی پەکەکە باس لەوە دەکەن یاسای چوارچێوە چووەتە بواری جێبەجێکردنەوە بەڵام جێبەجێ نەکراوە، بەڵام ئەمە ڕاست نییە".
چەلیک، جەختی لەوە کردەوە چەکدانانی تەواوەتی پەکەکە، کۆتاییهێنان بە چالاکییەکانی هەموو پێکهاتەکانی و کۆبوونەوەی ئەندامەکانی لەو شوێنانەی دیاری کراون، مەرجی پێویستی جێبەجێکردنی یاسای چوارچێوەن.
زانیارى زیاتر بۆ تۆ
گوتەبێژی ئاکپارتی: نەخشەڕێی پڕۆسەى ئاشتى نوێدەکەینەوە؛ ئامانجی سەرەکیی چەکدانانی پەکەکەیە
گوتەبێژی ئاکپارتی بە توندی وەڵامی هاوسەرۆکی پارتی دەم دەداتەوە
2 کاتژمێر پێش ئێستا